"Рио Тинто Монгол" компани нийгмийн хариуцлагын хүрээнд Үндэсний соёл амралтын хүрээлэнд 10.2 га газрыг ногоон байгууламж болгож, цоо шинээр шинэчлэн тохижуулжээ.
Уг байгууламжийн бүтээн байгуулалт хоёр жилийн турш үргэлжилсэн ба бүтээн байгуулалтын хүрээнд задгай ногоон театр, хүүхдийн тоглоомын талбай, иргэдийн тухлах сандал, сүүдрэвч болон өөрөө өөрийгөө нөхөн сэргээх чадвартай усалгааны бүрэн систем, цөөрөм зэрэг иж бүрэн тохижилт хийж, 40 мянга гаруй мод бутыг үе шаттайгаар тарьж, талбайн 80 хувийг зүлэгжүүлсэн байна. Ингэснээр нийслэл хотод хүн бүрд хүртээмжтэй ногоон орон зай нэмэгдэж байна.
Саварт найзуудын талбай буюу тэжээвэр амьтадад салхилах орон зай гаргаж өгсөн нь үнэхээр талархууштай.
Гэрэл зургийг Г. Ананд
