1 мин

Вакцинжуулалтыг маргаашаас үргэлжлүүлнэ

Э.Намуун 2021.04.22

Коронавирусээс урьдчилан сэргийлэх дархлаажуулалтыг маргааш буюу 2021 оны дөрөвдүгээр сарын 23-наас үргэлжлүүлэхээр болжээ. Улаанбаатар хотод 120 цэгээр 281 баг гаргаж вакцинжуулалтын ажлыг зохион байгуулахаар бэлтгэл ажлыг хангасан байна.

Хоёр дахь тунгийн хугацаа нь болсон иргэд болон нэгдүгээр тунд хамрагдаагүй иргэдийг вакцинжуулах бөгөөд хэдний өдөр хаана, аль цэгт вакцинд хамрагдахыг хороо, дүүргээс Танд утсаар мэдэгдэж мэдээлэл хүргэх аж.

Хатуу хөл хорионы үед дархлаажуулалтыг зохион байгуулахдаа хүний бөөгнөрөл үүсгэхгүй байх, иргэдэд чирэгдэл учруулахгүй байхад холбогдох байгууллагууд анхаарч ажиллана. Вакцинжуулалтын цэгийн байршлыг удахгүй мэдээлэх болно гэж ЭМЯ-наас мэдээллээ.

Э.Намуун 2021.04.22