БНСУ-аас ниссэн МИАТ-ын онгоц Бээжинд ослын буулт хийжээ
Сөүлээс ниссэн МИАТ-ын онгоц хөдөлгүүр нь гэмтэж, Бээжин капитал нисэх онгоцны буудалд газарджээ. Тодруулбал, өнөөдөр БНСУ-аас хоёр удаагийн тусгай үүргийн нислэгээр 420 иргэн эх орондоо ирнэ.
Эхний онгоцоор 168 иргэн зорчиж, 12:50 цагт, хоёрдахь онгоцоор 252 иргэн ирэх бөгөөд 20:00 цагт Чингис хаан олон улсын нисэх буудалд газардах хуваарьтай байсан юм.
Иргэдийг ХӨСҮТ, Цэргийн төв эмнэлэг, “Амар”, “Сүнжин гранд” зочид буудал болон Баянхангай амралт, сувилалд 21 хоног тусгаарлана гэж Улсын онцгой комиссын Шуурхай штабаас мэдээлсэн. Монгол Улсын Засгийн газар, Улсын онцгой комиссын шийдвэрээр энэ сард нийт есөн удаагийн тусгай үүргийн нислэгээр эх орондоо ирэх хүсэлтэй иргэдээ авчрахаар болсон билээ.