Дөрвөн Оскар хүртсэн "Parasite" киноны хамт олон өглөөний 5 цаг хүртэл "сөжү"-джээ
92 дахь удаагийн Оскарын шагнал гардуулах ёслолоос гол шагналуудыг түүсэн "Parasite" киноны хамт олон баяраа яг хэлсэн ёсоороо өглөө болтол тэмдэглэжээ.
Найруулагч Бун Жун У шагнал гардан авахдаа "Маргааш өглөө болтол ууна" хэмээн тайзан дээрээс хэлснийг бүгд санаж байгаа биз ээ.
Оскар өндөрлөсний дараа жүжигчид, продюсер, зохиолч болон багийн бусад гишүүд бүгд Лос Анжелес хотын Солонгос хороололд байдаг "Soban" ресторанд тэмдэглэжээ. Кино багийн нийт 50 гаруй хамт олон 30 хүний суудалтай жижигхэн ресторанд орж, 2:45-аас авахуулаад өглөөний 5 цаг хүртэл баяраа тэмдэглэсэн байна.
Киноны баг хамт олон 1:30 гэхэд Оскарын тусгай үдэшлэгийг орхин явж, өөрсдийн хэв маягаар тэмдэглэхийг зорьсон нь энэ байжээ.
Рестораны эзэн Женнифер Пак, "Найруулагч Бун Жун У өдрийн турш юу ч идээгүй байсан. Тиймээс бид тэдэнд Калбижим, Индэгү Журим, Калби, Бибимпап зэрэг хоол бэлдэж өгсөн" хэмээн ярьсан байна.
Мэдээж уг явдлыг ресторан өөрсдийн маркетинг болгон ашигласан юм. Найруулагч Бун Жун У Америкт байх хугацаандаа уг ресторанд хэд хэдэн удаа ирж байсныг ч дурджээ.
goy2 2020.02.19 122.201.31.110
odo tr uusan restoraniih ni vilchlvvgchid bas usnu duu hah
0 0 Хариулах