1 мин

Forbes: Азийн '30 хүртэлх 30' жагсаалтад Шимэгч кинонд тоглосон жүжигчин Пак Со Дам багтжээ

Б.Саруул 2020.04.03 13 5 2

302

Forbes жил бүр уламжлал болгон нийгмийн салбар бүрд амжилттай ажиллаж буй 30 хүртэлх насны 30 залуугийн жагсаалтыг зарладаг билээ. Тэгвэл Forbes сэтгүүл 2020 оны Азийн орнуудад технологи, шинжлэх ухаан, нийгмийн энтрепренер, медиа, санхүү, урлаг, үйлдвэрлэл зэрэг төрөл бүрийн салбарт үеийнхнээ манлайлж буй 30 залуугийн нэрийг зарлалаа. 

Тэгвэл энэ жилийн Азийн '30 хүртэлх 30' жагсаалтад Өмнөд Солонгосын хэд хэдэн уран бүтээлчид багтжээ. Тухайлбал, Оскарын шилдэг киногоор шалгарсан Шимэгч киноны гол дүрийн жүжигчдийн нэг Пак Со Дам уг жагсаалтад багтсан байна. 

Түүнчлэн Өмнөд Солонгосын Twice охидын К-поп хамтлаг энтертайнмент салбарт манлайлж буй залуучуудын төлөөллөөр нэрлэгджээ. К-поп хамтлаг анх удаа '30 хүртэлх 30' жагсаалтад багтсан тохиолдол болжээ. Дашрамд дурдахад, JYP Entertainment тус хамтлагийг 2015 онд үүсгэн байгуулсан бөгөөд хамтлагийн есөн гишүүний тав нь солонгос, гурав нь япон, нэг нь тайвань гаралтай юм. 2019 онд World Digital Song Sales биллбоардыг тус хамтлагийн Feel Special дуу тэргүүлэхийн сацуу YouTube-т 188 сая хандалтыг авч чаджээ. 

Эх сурвалж: Forbes

Б.Саруул 2020.04.03

302