Хайх зүйлээ бичнэ үү

1 мин

Өвчтэй эцгийгээ аврахын тулд 1200 км замыг дугуйгаар туулсан энэтхэг охин


Өвчтэй эцгийгээ сундалж 1200 км замыг дугуйгаар туулсан Житу Кумари хэмээх 15 настай энэтхэг охин дэлхий нийтийн анхаарлыг татаж, үндэсний баатар гэгдэж байна. Түүний эцэг амьдралаа залгуулахын тулд нийслэл Дели хотын захын хэсэг болох Гуруграмд рикша буюу хүн тэрэг унадаг байсан аж. Гэвч өнгөрсөн нэгдүгээр сард осолд орсон тул Житу Кумари эцгийгээ асрахаар Делид иржээ. 

Коронавирусийн цар тахлын улмаас Энэтхэг улсад гуравдугаар сарын 25-нд хөл хорио тогтоосон бөгөөд энэ үеэр эцгийнх нь биеийн байдал дөнгөж дээрдэж эхлээд байжээ. Хөл хорио сунгагдсаны улмаас эцэг охин хоёр мөнгөө дуусаж, цаашид хоол хүнс, эм тариа худалдан авах боломжгүй болсон гэнэ. Түүнчлэн хот хооронд зорчих тээвэр зогссон учраас охин гэртээ харихын тулд 1200 км замыг дугуйгаар туулахаар шийдсэн байна. 

Тэд 1200 км замыг долоон хоногт туулсан бөгөөд замд таарсан иргэд тэдэнд хоолноосоо илүүчилж байсан ч хоёр хоног өл залгуулалгүй явсан гэж Житу Кумари BBC-д өгсөн ярилцлагадаа дурджээ. Харин охины эцэг Мохан Пасван "Би уг нь хязгаарлалт дуусахаар ажил хийж мөнгө олъё гэж бодсон боловч хөл хорио сунгагдсан. Мөн байрны эзэд төлбөрөө тасралтгүй нэхсээр байсан. Анх охиноо дугуйгаар намайг сундалж явна гэхэд нь чи чадахгүй ээ гэж хэлсэн. Гэсэн ч тэр ятгасаар байгаад намайг зөвшөөрүүлсэн. Охиноо ийм хол замыг туулсанд нь бахархаж байна. Хэрэв бид Гуруграмд үлдсэн бол өлсөж үхэх байсан байх" гэж ярьжээ. 

Эх сурвалж: BBC 

холбоотой мэдээ
1
2020.07.10
Инстаграм супер модель Белла Хадидын сториг устгасандаа уучлал хүсчээ
2
2020.07.10
Норвеги улс ЛГБТ цагаачдыг тэргүүлэх зэрэгт тавина гэжээ
3
2020.07.10
ТикТок аппликэйшнийг хориглох тухай саналаас болж өсвөр үеийнхэн Трамптай 'дайн' зарлав
санал болгох
1
23 цагийн өмнө
Хамаг хүмүүс хотоос гарсныг батлах хөгжилтэй 15 пост
2
2020.07.10
Зуныг бүтээлч өнгөрүүлэхэд туслах урлагийн 3 төрөл
3
2020.07.10
Аюулгүй наадах бэлтгэлээ хангах 5 АЛХАМ

Энэ мэдээнд өгөх таны сэтгэгдэл?
0
0
4
0
2
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.