2 мин

Зун дуусахаас өмнө заавал очиж үзэх хамгийн "амтлаг" 5 газар

О.Анхзаяа 2019.07.29 30 5 3

1931

Бороотой өглөөний мэнд! Наймдугаар сар хаяанд ирээд байгаа энэ долоо хоногт та ямар нэгэн сонирхолтой зүйл хийж үзмээр, шинэ газар орж, туршмаар санагдаж байна уу? Тийм бол энэ нийтлэл танд яг тохирно.

1. The Unicorn Cafe

Дөнгөж өчигдөрхөн л анхны орлогоо гар дээрээ авч, үйл ажиллагаагаа дөнгөж эхлүүлээд буй цоо шинэ газрыг эхлээд санал болгоё. Өөрийн бичил бизнесийг дөнгөж эхлүүлж яваа бүсгүйг дэмжихийн хажуугаар сонирхолтой менюг нь туршаад үзэхэд буруудах зүйл байхгүй. Хүмүүсээс сураглаад үзэх нь ээ,  өөрөө Тайваньд сурч байсан энэ бүсгүй тэндхийн хамгийн алдартай уух зүйл болох "Bubble Tea"-г жинхэнэ утгаар нь эндээ мөн хийж байгаа сурагтай. Бороотой өдрүүд үргэлжилж байна даа, нэг халуун юм ууна байгаа.   

Хаяг: 23-р сургуулийн зүүн хойд талд

Холбогдох дугаар: 88215611

2. Sweetie ice cream cafe

Манайхан зайрмаг идэх дуртай л биз дээ? Зуныг зайрмаггүй төсөөлнө гэдэг угаасаа боломжгүй юм болохоор энэ газрыг заавал зориод үзээрэй. Ойрд амттай зүйлээр л өлсөөд байгаа хүмүүст санал болгож байна.

Хаяг: 11-р хороолол, Хэвлэлийн хүрээлэнгийн замын урд талын 1-р байрны зүүн талд

Холбоо барих дугаар: 99064320

3. Taste Time

Энэ нийтлэл ер нь тэр чигтээ л амтлаг зүйлсээр дүүрэн. Та гарцаагүй аль нэгэнд нь заавал очиж байж л салдаг юм шүү. Энэ газрыг олон хүнээс сонссон учраас онцлон оруулж байна. Чамин бас час хийсэн амтлаг зүйлд дуртай хүн болгон зорьж очоорой.

Хаяг: Шангрила молл 3-р давхар болон Централ таур 3-р давхар.

Холбоо барих дугаар: 77400909

4. Dreamy Drinks Bubble TEA

"Bubble Tea" буюу миний өөрийн хэлэх дуртай нэршлээр бол "Бондгортой цай"-г манайхан мэргэжлийн түвшинд хийгээд яваад байгааг мэдээгүй байсан сүүлчийн хүн нь би болж таарав. Та ч бас огт мэдээгүй, сонсоогүй байсан бол шинэ зүйл туршаад, энэ газрыг зориод үзээрэй. Шинэ содон санагдаж, магадгүй бүр үйлчлүүлэх дуртай газар тань болж ч мэднэ. 

Хаяг: Шангрила молл 3 давхар

Холбоо барих дугаар: 88111449

5. Bubble Gal

Бас дахиад нэг "бондгортой" цай! Гэхдээ илүү боломжийн үнэтэй. 3500 төгрөгөөр та эндхийн маш амттай цайг амталж үзэх боломжтой юм байна. Ногоон цайтай "bubble tea" нь үнэхээр сайхан харагдаж байна шүү. Бас цайнаас өөр идэж уух зүйлс ч мөн байдаг юм байна.

Хаяг: Имарт Чингис салбарын 1 давхарт

О.Анхзаяа 2019.07.29

1931