Хайх зүйлээ бичнэ үү

3 мин

Жилд 60-аас олон ном унших 6 арга

Ном уншицгаая! Яг жилийн дараа, өдийд эргээд харахад сайхан шүү дээ.


Бид бүгд урдаа зорилго тавьдаг. Энэ онд хэдэн ном уншина, хэдэн газраар аялах болно гээд л. Гэхдээ яг хийх гэх үед нэг л болж өгөхгүй байх тохиолдол олон. Тиймээс ийм хэдэн зөвлөгөөг танд хүргэж байна. Та хэрэгжүүлж, яг жилийн дараа энэ өдрийг эргэн харахад хэчнээн ном уншсанаа гайхах болно.

1. Яг тогтсон, тодорхой зорилго тавих.

Яг ямар ямар номыг, ямар хугацаанд уншмаар байгаа болон хэдэн сард хэдэн ном унших вэ гээд маш тодорхой, бараг л биелсэн мэт төлөвлөгөө зохиох нь аливаа зүйлийг хийхэд маш том нөлөө болдог. Би өдөрт 40 нүүр уншина. Гэхдээ лхагва гарагт би их ажилтай болохоор энэ өдөр 20 нүүр л уншина. Харин амралтын өдрөөр би бүтэн хоёр бүлэг дуусгана гэх мэт төлөвлөгөө танд ихээхэн тус болно. Та бүтэн жилийн турш өдөрт 40 нүүр уншвал нийт 14,600 нүүр уншиж дуусгасан байх болно. Нэг ном дунджаар 300 нүүртэй гэж бодвол та оны төгсгөлд 48 ном уншиж дуусгасан байх боломжтой!

2. Байнга өөртөө ном авч явж, зав гарах болгонд гаргаж ирж унш.

Би лав цүнх болон халаасандаа багтах номоо байнга авч явж, хүн багатай автобус, урт дараалалд юм хүлээн зогсох, хүн хүлээж суухдаа уншдаг. Тэгээд орой нь очиж багахан үргэлжлүүлэн уншаад нэг номыг дунджаар гурав хоногт уншиж дуусгадаг. Яг завтай, зориглосон үед бол ганц хоног л хангалттай байдаг боловч их ажлын хажуугаар өөрийгөө ядраахгүйгээр багтаан уншина гэдэг их чухал. Хэт хүчилж, өөрийгөө ядраах хэрэггүй шүү.

3. Өөр хоббинуудад цаг гаргах боломжгүй гэдгийг хүлээн зөвшөөр.

Үнэхээр их ном уншихыг хүсэж л байгаа бол та кино үзэх, утсаа оролдох, подкаст сонсох цагаа бага багаар багасгах ёстойгоо ухаарна. Заримдаа автобусанд явж байхдаа сайхан бичлэг үзмээр санагддаг ч эцэст нь номоо уншихыг, орой нэг кино үзмээр байгаа ч номоо дуусгахыг зорих хэрэгтэй.

4. Номын сан ашигла.

Номын сан бол хамгийн гайхалтай газар. Яг л номын дэлгүүрээр хүссэнээрээ тэнүүчлэх мэт. Гэхдээ бүр үнэгүй гээч. Тэнд хүн болгон суугаад өөр өөрсдийн хичээл ном. ажлыг хийж, унших номоо чимээгүйхэн уншиж суудаг. Яг л тийм орчинд та маш анхааралтайгаар унших боломжтой. Мэдээж асар олон ном байгаа гэдгийг ч мартаж болохгүй. 

5. Ном уншдаг хүмүүстэй сайхан нөхөрлөл тогтоо.

Ном уншдаг найзтай болно гэдэг их сайхан зүйл. Тэд танд ном санал болгоно, дуртай номуудынхаа талаар хэдэн цагаар ч хамаагүй ярилцаж болно. Хүсэл зорилготой хүн байна гэдгэ ямар сайхан зүйл билээ дээ.

6. Өрсөлдөөнч зан чанараа сэргээ.

Goodreads бол маш хэрэгтэй, гайхалтай сайт шүү. Та энд бүх зүйлээ маш эмх цэгцтэйгээр хөтлөн, төлөвлөж явах боломжтой. Ямар ном уншиж байгаа, ямар ном унших зэргээ төлөвлөж, дээрээс нь бусадтай хуваалцаж, бусдад танигдах хүсэл. Олон нийтэд таны уншиж буй ном ил байж, таны сэтгэгдлийг хүлээдэг, танаас ном асуудаг болно гэдэг үнэхээр сайхан зүйл шүү.

60 ном гэдэг зарим их уншдаг хүмүүсийн хувьд бол тун боломжийн, энгийн тоо. Тиймээс олон ном уншиж чаддаггүй хүмүүсийн хувьд энэ бол асар том амжилт байх болно!

Хамгийн их уншилттай
1
2022.05.09
"Яг түүн шиг-2022" шоуны оролцогчид яг үнэндээ юутай адил байв?
2
2022.05.03
Met Gala 2022: Ким Кардашиан Мэрилин Монрогийн даашинзаар гангарахын тулд 21 хоногт 7 к...
3
2022.05.10
Өмнөд Солонгосын тэргүүн хатагтай Ким Кеон Хигийн тухай 9 баримт
холбоотой мэдээ
1
2 цагийн өмнө
Үндэсний номын баяраас онцлох нь: ЕСӨН шинэ ном
2
7 цагийн өмнө
Номонд дуртай хүнтэй болзох 8 "хөөрхөн" санаа
3
8 цагийн өмнө
Өнөөдрөөс эхэлж буй НОМЫН БАЯРААР номууд хэрхэн хямдрах вэ?
санал болгох
1
3 цагийн өмнө
Энэ 7 хоногийн хөгжилтэй постууд: Ташуур, халуун ус, Хаан банк, Жонни Депп
2
8 цагийн өмнө
Өнөөдрөөс эхэлж буй НОМЫН БАЯРААР номууд хэрхэн хямдрах вэ?
3
9 цагийн өмнө
Хүн бүр иддэгээсээ 20 хувь бага үхрийн мах идэхийг уриалжээ

Энэ мэдээнд өгөх таны сэтгэгдэл?
0
0
2
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.