Өнөөдөр Queen хамтлагийн гитарчин Брайан Мэй төрсөн өдрөө тэмдэглэж байна. Мэй 1947 оны долдугаар сарын 19-нд Лондонд төрсөн юм. Тэр бол дэлхийн шилдэг гитарчдын нэг. Зүрхний хүнд хагалгаанд орсон ч тэр уран бүтээлээ туурвисаар л.
Түүний эшлэлээс дурдвал:
-Хөгжимчин хүний ажил бол хаа сайгүй явж, хүмүүсийг цэнгүүлэн, үнэнийг яг байгаа чигээр нь өгүүлэх явдал юм.
-Рок хөгжмийг нотоор биш мэдрэмжээр тоглодог.
-Рок хөгжим хүмүүст өөдрөг сэтгэлийг хайрладаг.
-Гитар бол миний зэвсэг, мөн ард нь нуугдах бамбай минь байсан.
-“Queen” хамтлагийн дуунууд рок оддын тухай биш. Бид эгэл жирийн хүмүүсийн тухай дуулдаг болохоор хүмүүс манай дуунд дуртай байдаг.
-Жими Хендриксийг үзэхээсээ өмнө би өөрийг дажгүй гитарчин гэж боддог байлаа. Харин дараа нь сурах юм их байгааг ойлгосон.
-Манай We Will Rock You. We Will Rock You, We Are The Champions дуунууд жирийн уран бүтээлээс хальж, нийгмийн амьдралын нэгэн хэсэг болсон нь гайхалтай.
-Анхны гитараа би 7 настайдаа хуучин шүүгээ, товч, мотоциклын эд анги ашиглан хийж байлаа.
-Манай хамтлагийн бүх цомог тухайн үеийнхээ бидний хөгжлийг тусгасан. Гэхдээ би Queen II цомогтоо илүү дуртай. Жинхэнэ үсрэлт болсон цомог. Бид мэдлэгтэй, бас мөнгөтэй ч болсон байлаа.
-Би гитараа 6 пенсийн мөнгөөр тоглодог. Энэ мөнгө надад гитарын утастай илүү ойртсон мэдрэмж төрүүлдэг. Долоовор, эрхий хуруу маань 6 пенсийг чөлөөтэй хөдөлгөнө. (6 пенс 1970 онд хэрэглээнээс гарсан ч Хатан хааны зарлигаар Мэйд зориулан, 1993 онд түүний зурагтайгаар цөөхөн хувь дахин үйлдвэрлэжээ)
-Би наранд шараад хэвтдэг хүн биш. Би байнга ажиллаж байх ёстой.
-Би цагаан хоолтон. Гэхдээ 100 хувь биш. Мах огт иддэггүй. Загас бараг иддэггүй ч сонголтгүй үед иднэ.
-Меркьюриг нас барсны дараа би гүн стресст орж, эмнэлэгт өөрөө очсон. Амиа хорломоор ч юм шиг. Гэхдээ уран бүтээл туурвих нь эмнэлгээс илүү намайг эмчилсэн билээ.
Түүний тухай 10 баримт
-Архи, тамхи хэрэглэдэггүй ч Guinness шар айраг, Baileys ликёрт их дуртай.
-Aстрономич. Гүн ухааны доктор. 'Bang! – The Complete History of the Universe” ном бичсэн.
- Save me амьтан хамгаалах сангийн үүсгэн байгуулагч. Олон улсын амьтан хамгаалах нийгэмлэгийн шагналтан.
-52665 Brianmay од, Heteragrion brianmayi соныг түүний нэрээр нэрлэжээ.
-Викторийн үеийн стерео гэрэл зураг цуглуулдаг.
-Хамтлагийн ихэнх дууг Фредди, Мэй хоёр зохиосон. Мэй төгөлдөр хуур дээр тоглож, гоцлон дуулдаг ч байлаа.
-2008 оноос 2013 он хүртэл Ливерпулийн их сургуулийн ректороор ажилласан.
-2023 онд Эзэн хаан Карл III хөгжим, сайн үйлсэд оруулсан хувь нэмрийг нь үнэлэн, Хүлэг баатар цол хайрлажээ.
-Мэй 1976-1988 онд Крисси Маллентай гэр бүл болж, Жимми (1978 онд төрсөн), Луиза (1981), Эмили Рут (1987) гурван хүүхэдтэй болсон. 2000 онд жүжигчин Анита Добсонтой гэрлэсэн.
-Брайан хамлагийнхаа хамгийн өндөр нь. Тэр 188 см өндөр.
