Оскарын шагналт, америк жүжигчин Хоакин Феникс 1974 оны аравдугаар сарын 28-нд Пуэрто-Рикогийн нийслэл Сан-Хуанд төржээ.
Түүний ээж Арлин Шэрон Фениксийн эцэг эх нь Унгар, Оросын дүрвэгч байсан бөгөөд харин аав Жон Ли Боттом испани-ирланд цустай хүн байлаа.
Ээж нь NBC компанийн сонгон шалгаруулалтын албанд ажилладаг байсн тул таван хүүхэд нь тун эрт зар сурталчилгаанд тоглож эхэлсэн юм.
1995 онд Феникс Гас Ван Сентийн To Die For кинонд Николь Кидмантай хамт тоглосон нь анхны том дүр байв. Энэ үеэс түүний харцыг харсан хүмүүс сөрөг талын жинхэнэ баатар болохыг нь олж харжээ.
Гэхдээ жинхэнэ алдар хүнд түүнд 2000 онд Гладиатор киноны Коммод императорын дүрийн дараа ирсэн юм.
2005 онд Walk The Line киноны Жонни Кэшийн дүрийг бүтээгээд Оскарын шагналд нэр дэвшиж байлаа. Тэр өөрөө бүх дууг нь дуулжээ.
2013 онд Пол Томас Андерсоны Мастер киноны Фредди Куэлл мөн түүнд Оскарт дэвших боломж олгосон. Венецийн кино наадмын шилдэг эрэгтэй дүрээр тодорсон.
Харин 2019 онд Жокер кино түүнд Оскар авч өгсөн билээ.
Феникс 2016 оноос жүжигчин Руни Маратай хамтран амьдарч, 2019 онд гэрлэсэн. Жилийн дараа хүүтэй болж, ахынхаа дурсгалд зориулан Ривера хэмээн нэрлэсэн юм. 2024 онд тэд охинтой болсон.
