2021 онд нээлтээ хийсэн цагаас эхлэн олны анхаарлыг татаж, ярианы гол сэдэв болсоор ирсэн “Arcane“ цуврал өнгөрөгч бямба гарагт сүүлийн ангиудаа цацаж, албан ёсоор дууслаа. Үнэнч фэнүүд болон кино сонирхогчдын хувьд гайхалтай сэтгэл хөдлөл, мэдрэмж, дурсамжийг үлдээж чадсан энэхүү цувралын араас хэрэв та юу үзэхээ мэдэхгүй, сэтгэл тань нэг л хоосон оргиж, гуниглаж байвал дараах бүтээлүүдийг сонирхоод үзэхэд буруудахгүй.
1. The Legend of Vox Machina (2022-)
Найман өөр төрлийн өвөрмөц баатруудаас бүрдсэн салаа Эксандриа хэмээх хаант улсыг харын шиднээс хамгаалах урт аянд гарах болно. Нийт 3 бүлэгтэй бөгөөд Rotten Tomatoes дээр 100% үнэлгээ авсан.
Трейлер:
2. Cyberpunk: Edgerunners (2022)
Технологийн хөгжилд хэт автсан ирээдүйн цаг үед нэгэн хүү бүхнээ алдаж, цаашид амьд үлдэхийн төлөө гэмт хэргийн ертөнцөд хөл тавьж буй тухай өгүүлнэ.
Трейлер:
3. The Legend of Korra (2012-2014)
"Avatar: The Last Airbender" цувралаас үргэлжлүүлэн үйл явдлыг нь хөөн гаргаж энэхүү цувралд Аангийн дараагийн Аватар болох Коррагийн тухай өгүүлнэ. “Arcane“ цувралын “steampunk“ мэдрэмжийг танд өгөх байх хэмээн бодож байна.
Трейлер:
4. Ghost in the Shell: Stand Alone Complex (2002-2005)
Технологийн хөгжил дээд цэгтээ хүрч, роботууд дунд амьдрах болсон ирээдүйн ертөнцөд цагдаа нарын хийж үл хүчрэх ажлыг хийж гүйцэтгэж буй Күсанаги Мотоко болон 9-р хэсгийн тухай өгүүлнэ.
Трейлер:
5. Scavengers Reign (2023)
Гэмтэл гарч, цааш аяллаа үргэлжлүүлэх боломжгүй болсон сансрын хөлгийн гишүүд маш үзэсгэлэнтэй боловч аюултай гараг дээр хаягдах болно.
Трейлер:
6. Love, Death, and Robots (2019-)
6-20 минутын урттай 35 анги бүхий цуврал. Мөн л анги болгон дээр өөр өөр түүхийг өгүүлэх бөгөөд анимэйшн байдлаар гарсан тул танд төсөөлснөөс ч илүү гайхалтай эсвэл аймшигтай, сэтгэл хөдлөм түүхүүдийг, ертөнцүүдийг харуулах болно.
Трейлер:
7. Blue Eye Samurai (2023)
Японы Эдогийн эрэнд нэгэн цэнхэр нүдэт самурай өш хонзонгоо авахаар аян замд гарч буй тухай өгүүлнэ. Зүгээр л үзэхийг зөвлөе.
Эхний анги:
