Францын жүжигчин Венсан Касселийн шинэ найз бүсгүй Нара Баптиста бие давхар болсноо зарлаад удаагүй байгаа. Венсан 57 настай бол Нара 27 настай. Ингээд хосуудад аз жаргал хүсээд хайр дурлалд насны зөрүү хамаагүй гэдгийг баталсан хосуудыг танилцуулья.
Жейсон Стейтем, Рози Хантингтон-Уайтли – 20 насны зөрүү
Жүжигчин Стейтем, модель Хантингтон-Уайтли нар 2010 оноос болзож эхлэн, 2016 онд гэрлэсэн. Жилийн дараа хүүтэй, 2022 онд охинтой болсон.
Харрисон Форд, Калиста Флокхарт – 23 насны зөрүү
Форд 2002 оны Алтан бөмбөрцөг шагнал гардуулах ёслол дээр Калистатай анх уулзаад түүнээс хойш салаагүй. Албан ёсоор 2010 онд гэрлэсэн.
Майкл Дуглас, Кэтрин Зета-Жонс – 25 насны зөрүү
Сонирхолтой нь тэд нэг өдөр төрсөн. Гэхдээ 25 жилийн зайтай. 1998 онд кино наадмын үеэр танилцаад хоёр жилийн дараа хуримаа хийсэн.
Эмманюэль, Брижит Макрон – 25 насны зөрүү
Макрон 15 настайдаа Брижиттэй танилцсан. Гэхдээ Брижит багш нь байсан гэж байгаа. Олон жилийн дараа 2007 онд Макрон багшийгаа нөхрөөс нь салгаад аваад суучихсан юм.
Николас Кейж, Рико Шибата – 31 насны зөрүү
Николас Кейж тав дахь эхнэртэйгээ 2019 онд Японд танилцсан. Цар тахлын улмаас тэд бараг уулзаж чаддаггүй байсан ч Николас FaceTime-аар гэрлэх санал тавьж, шуудангаар бөгж илгээж байжээ. 2021 оны хоёрдугаар сарын 16-нд гэрлэж, 2022 онд охинтой болсон.
Ричард Гир, Алехандра Сильва – 34 насны зөрүү
Ричард Гир 1991 – 1995 онд Синди Кроуфорд, 2002 – 2016 онд Кэри Лоуэллтэй гэрлэж, хамт амьдарч байсан. 2018 онд Гир, Сильва нууцаар гэрлэлтээ батлуулж, 2019 онд хүү, 2020 онд охинтой болсон.
Мел Гибсон, Розалинд Росс – 35 насны зөрүү
Мел, Розалинд хоёр 2014 онд танилцсан. Росс Гибсоны “Icon Productions”компанид ажлын ярилцлага өгөхөөр ирсэн гэдэг. 2017 онд хүүтэй болжээ.
Вуди Аллен, Сун-И Превин – 35 насны зөрүү
Вуди Аллен өргөмөл охинтойгоо гэрлэсэн юм. Тэд хоёр хүүхэд өргөж авсан.
Александр Эдвардс, Шер – 36 насны зөрүү
2022 оны Парисын Загварын шоун дээр танилцсан.
Мик Жаггер, Мелани Хэмрик – 43 насны зөрүү
2014 оноос уулзаж эхлээд 2016 онд хүүтэй болсон нь Микийн найм дахь хүүхэд байлаа.
