Өнгөрч буй 2024 он К-поп хөгжмийн фэнүүдийн хувьд хүндхэн жил болсон гэхэд болно. Одоо шүүх дээр явж байгаа алдартай хамтлагийн тухай дурдахаа болье. Солонгос хөгжим сонирхогчдын сонсох дуртай байсан хэд хэдэн охидын хамтлаг тарлаа. Зарим нь үйл ажиллагаагаа тодорхой бус хугацаагаар зогсоожээ. Ингээд энэ жил тарсан, салсан хамтлагуудыг танилцуулж байна.
Cherry Bullet
2019 онд FNC Entertainment агентлагаас гараагаа эхэлсэн энэ хамтлаг 2024 оны дөрөвдүгээр сарын 22-нд тарж байгаагаа зарласан. Учир нь хамтлагийн 7 гишүүний дөрөв нь агентлагтайгаа гэрээгээ цуцалсан юм.
Weki Meki
2017 онд байгуулагдахдаа найман гишүүнтэй байлаа. Энэ жилийн зургаадугаар сард сүүлийн дуугаа цацаад наймдугаар сарын 16-наас албан ёсоор тарсан.
Nature
CH Entertainment-ийн Nature хамтлаг 2018 оноос эхлэж, энэ жилийн дөрөвдүгээр сарын 27-нд тарж байгаагаа зарласан.
3YE
2019 онд байгуулагдаад 2024 оны 11 дүгээр сарын 14-нд тарлаа.
Queenz Eye
2022 оны энэ хамтлаг албан ёсоор тараагүй ч тодорхой бус хугацаагаар завсарлага авсан.
ALICE
ALICE хамтлаг 2017 онд байгуулагдаж байлаа. Энэ жил хамтлагийн таван гишүүн гарсны дараа хэсэг завсарлага авснаа зарласан.
LIMELIGHT
143 Entertainment-ийн LIMELIGHT хамтлаг 2022 онд гараагаа эхэлсэн. Гэвч өнгөрсөн 11 дүгээр сард дуучин Гаын ерөнхий захирлынхаа дарамт, хүчирхийлэлд өртөж байснаа зарлаад гарснаас хойш тодорхойгүй байдалд ороод байна.
FANATICS
2018 онд замналаа эхлүүлсэн FANATICS энэ жилийн аравдугаар сарын 17-нд албан ёсоор тарсан.
Hash Tag
2017 оны энэ хамтлаг аравдугаар сарын 12-нд тарснаа мөн мэдэгдсэн.
Loossemble
LOONA хамтлагийн хуучин таван гишүүнээс бүрдсэн Loossemble 2023 онд байгуулагдсан. Гэвч саяхан бүгд агентлагаасаагарсан тул хамтлагийн ирээдүй тодорхойгүй.
Fromis_9
2017 онд “Idol School” реалити-шоугаар гарч ирсэн хамтлаг. 2021 онд Pledis Entertainment агентлагт шилжсэн. Тэдний гэрээ энэ сарын 31-нд дуусах ч гэрээгээ сунгахгүй гэдгээ зарласан.
Cignature
Cignature 2020 онд байгуулагдсан. Гишүүд уран бүтээлээсээ завсарлага авсан тул 11 дүгээр сарын 30-нд таржээ.
