Одоогоос яг 50 жилийн өмнө 1974 оны 12 дугаар сарын 12-нд Нью-Йорк хотод Фрэнсис Форд Копполагийн “Загалмайлсан эцэг-2” кино нээлтээ хийж байлаа. Энэ нь Марио Пьюзогийн романаас сэдэвлэсэн киноны хоёрдугаар хэсэг байлаа. Эхний хэсэг нь 1972 оны хамгийн орлоготой киногоор шалгарч байв.
Марлон Брандо (Вито Корлеоне)
Мафийн хамгийн том босст тоглосон Брандо тэр үед 48 настай байлаа. Оскарын шагнал авсан ч тэр өөрөө татгалзсан. 2004 онд нас барсан.
Аль Пачино (Майкл Корлеоне)
Тэр үед 32 настай байсан Пачиног намхан гээд анх голж байсан гэдэг. Гэвч найруулагч зүтгэсээр байгаад Аль Пачиног амьдралынх нь хамгийн том дүрийн нэгт тоглуулсан юм. Одоо тэр 84 настай.
Роберт Де Ниро (залуу Вито Корлеоне)
Де Ниро уг нь нэгдүгээр хэсэгт тоглох урилга хүлээн авсан юм. Эхлээд бие хамгаалагчийн дүр, дараа нь Сонни Корлеонегийн дүрд тоглох гэж байгаад татгалзжээ. Залуу Витогийн дүрээр тэр шилдэг туслах жүжигчний Оскар шагнал асван. Одоо тэр таван кинон дээр ажиллаж байна. Өнгөрсөн жил долоо дахь хүүхэд нь төрсөн.
Роберт Дюваль (Том Хейген)
Тэр үед 40 настай байсан Роберт цэрэгт явчихсан, Нью-Йоркийн жүжгийн сургууль төгссөн, театр, ТВ-д замналаа эхлүүлчихсэн хүн байлаа. 2022 онд “НБА-д орох нь” гэсэн кинонд туслах дүр бүтээсэн. Одоо 93 настай.
Дайан Китон (Кей Корлеоне)
Бүх гурван ангид тоглосон. Мюзиклийн од байсан 25 настай түүний хувьд “Загалмайлсан эцэг” анхных нь кино байлаа. Энэ жил “Зуны зуслан” кинонд тоглосон.
Жон Казале (Фредо Корлеоне)
Вито Корлеонегийн хамгийн сул дорой хүү Фредо эртний анд Аль Пачиногийн ачаар энэ кинонд тоглож чадсан. 1978 онд хорт хавдраар нас барсан.
Талия Шайр (Конни Корлеоне)
Найруулагч Коппола дүү охиноо Витогийн охины дүрд сонгосон. 25 настай Талия бүх ангид тоглосон. Гурван хүүхэдтэйн нэг нь болох Жейсон Шварцман Холливудын од болсон.
Жанни Руссо (Карло Рицци)
19 настайдаа тоглосон. Залуудаа жинхэнэ мафийн гишүүн байсан гэж тэр ярьдаг. 1988 онд буудаж, хүний амь нас хөнөөсөн ч аргагүй хамгаалалт гээд ял аваагүй. 2004 онд цомог гаргасан дуучин.
Жеймс Каан (Сонни Корлеоне)
Германаас ирсэн еврей цагаачийн хүү тэрээр зодоонч, боксоор хичээллэдэг, мотоциклд дуртай залуу байлаа. “Загалмайлсан эцэг”-т тоглохдоо хэдийн туршлагатай жүжигчин болсон байв. 2022 онд 82 настайдаа амьсгал хураасан.
Аль Мартино (Жонни Фонтейн)
Найруулагч Фрэнсис Форд Коппола 44 настай Мартиног авахыг хүсээгүй ч мафийн босс Рассел Буффалиногийн шаардлагаар тоглуулжээ. Тэрээр дуугаа дуулсаар 2009 онд нас барсан юм.
Энди Гарсиа (Винсент Манчини)
Сонни Корлеонегийн бутач хүүгийн дүрээр гуравдугаар ангид гарч ирсэн. Куба гаралтай тэрээр одоо хүртэл уран бүтээлээ хийж байгаа.
Жо Мантенья (Жоуи Заза)
Засналаа гэрэл зургаар эхлүүлсэн Жо энэ кинонд тоглохоосоо өмнө Венецийн кино наадмын шагналт жүжигчин байлаа. Одоо ч кинонд тоглосоор.
София Коппола (Майкл Фрэнсис Рицци, Мэри Корлеоне)
Эхний ангид загалмайлуулж байгаа хүүхдийн дүрд тоглсон тэрээр гуравдугаар ангид 18 настайдаа Майкл Корлеонегийн охины дүрийг бүтээсэн. Жүжигчний мэргэжлээр амжилт олоогүй ч сайн найруулагч болсон.
