“Call Me By Your Name“, “Challengers“ зэрэг бүтээлээрээ алдартай найруулагч Лука Гуадагниногийн найруулан бүтээх “American Psycho” киноны Патрик Бэйтманы дүрийг жүжигчин Остин Батлер бүтээхээр боллоо.
Австралийн жүжигчин Жейкоб Элордиг энэхүү дүрийг бүтээнэ хэмээн шуугилдаж байсан ч эцэст нь Элвис, Манхан зэрэг кинонуудын дүрээрээ алдаршсан жүжигчин Остин дүрийг авч чаджээ.
1991 онд хэвлэгдэн гарсан ижил нэрт зохиолоос сэдэвлэгдсэн кино 2000 онд нээлтээ хийж, гол дүрд жүжигчин Кристиан Бэйл тоглож байв.
2015 онд харин мюзикл болон гарч, Мэтт Смит гол дүрийг бүтээсэн билээ.
Тус бүтээлийн нээлтээ хийх хугацаа одоогоор тодорхой болоогүй байна.
