Өндөрлөж буй 2024 он спортын ертөнцийн хувьд үйл явдлаар баялаг, шинэ хуучин ододтой, сонирхолтой сайхан болсон билээ. Мэдээж орчин үеийн спорт хөрөнгө, мөнгөгүйгээр төсөөлөгдөхгүй. АНУ-ын эдийн засгийн Forbes сэтгүүлийн газраас 2024 оны хамгийн баян тамирчдын чансааг гаргалаа. Түүхэнд анх удаа дэлхийн хамгийн их орлоготой арван тамирчин арвуулаа тус бүр жилд 100 сая ам.доллараас илүү орлого олжээ. Энэ арван тамирчны жилийн орлого нь 1,38 тэрбум ам.доллар болж байгаа нь гайхалтай. Энэ чансааг гаргахдаа тухайн тамирчны сүүлийн нэг жилийн албан ёсны цалингаас гадна гадуур хийдэг жижигхэн “халтуур”-ыг ч тооцсон байна.
1, Криштиану Роналду - $260 сая
Спортоос: $200 сая
Спортоос гадна: $60 сая
Иргэншил: Португал
Спортын төрөл: Хөлбөмбөг
Нас: 39
Роналдугийн жилийн орлого нь 260 сая ам.доллар болсон нь хөлбөмбөгийн түүхэнд рекорд амжилт бөгөөд тэрээр дөрөв дэх удаагаа Оны хамгийн баян тамирчны жагсаалтыг тэргүүлж байгаа нь энэ юм. Саудын Арабын Аль-Наср багт авдаг түүний жилийн цалин 200 сая. Тус улсын лигт Роналду түүх бүтээн, рекорд тогтоосоор байгаа. Криштианугийн ивээн тэтгэгчид – криптовалютын бирж Binance, фитнес-апп Erakulis, Nike, Herbalife, Clear Haircare, Whoop байна.
Жон Рам - $218 сая
Спортоос: $198 сая
Спортоос гадна: $20 млн
Иргэншил: Испани
Спортын төрөл: Гольф
Нас: 29
Өнгөрсөн жил Рам LIV Golf-д элсэх шийдвэр гаргаснаар хөрөнгөнийх нь хэмжээ огцом өслөө. LIV-ийн Legion XIII шинэ багийн ахлагчаар томилогдсон нь ч орлогын нэгэн эх үүсвэр болсон.
Лионель Месси - $135 сая
Спортоос: $65 сая
Спортоос гадна: $70 сая
Иргэншил: Аргентин
Спортын төрөл: Хөлбөмбөг
Нас: 36
Месси АНУ-ын Майамид ирсэн нь “Интер Майами” багийн хувьд тэнгэрийн умдаг байлаа. Тус багийн тоглолтын тасалбар тэр дороо зарагддаг болж, гадаад улсуудаар аялан тоглолт хийн, ивээн тэтгэгчдийн тоо эрс өссөн. Royal Caribbean компанитай ивээн тэтгэгчийн гэрээ байгуулсан нь Major League Soccer (MLS) лигийн түүхэнд өмсгөл, хувцасны хамгийн том гэрээ байлаа. “Интер Майами” баг яг одоо 1,03 тэрбум ам.долларын үнэтэй. Харин Месси Adidas, Apple, Konami нарын ивээн тэтгэгчдийнхээ эгнээнд Lowe's, White Claw-ийг нэмсэн амжилттай.
Леброн Жеймс - $128,2 сая
Спортоос: $48,2 сая
Спортоос гадна: $80 сая
Иргэншил: АНУ
Спортын төрөл: Сагсан бөмбөг
Нас: 40
“Лос-Анжелес Лейкерс” баг дахь Леброны ирээдүй хэмээх асуудал жил бүрийн плей-оффт тус баг ялагдсаны дараа гардаг сэдэв. Spotrac-ын мэдээлснээр Леброн багтайгаа жил бүр гэрээгээ 51,4 сая ам.доллароор сунгах эрхтэй гэнэ. Өөр багт очиж магадгүй гэж санаа зовогчдод хэлэхэд Хаан Жеймс ямар ч гэсэн хүү Броннигоо багтаа дастал байх биз ээ. Леброн НБА-гийн дараах амьдралдаа бэлтгэж, энэ жил DraftKings-тэй гэрээ байгуулж, PGA Tour Enterprises-д хөрөнгө оруулсан.
Яннис Адетокумбо - $111 сая
Спортоос: $46 сая
Спортоос гадна: $65 сая
Иргэншил: Грек
Спортын төрөл: Сагсан бөмбөг
Нас: 29
Адетокумбо сагсан бөмбөгийн талбарт аваргалж чадахгүй байгаа ч талбайн гадна гялалзаж байгаа. Тэрээр энэ жил продюсер компани байгуулж, Pepsi-гийн Starry-тай гэрээбайгуулсан. Саяхан Nike-тэй хамтран нэрийн пүүзтэй болсон.
Килиан Мбаппе - $110 сая
Спортоос: $90 сая
Спортоос гадна: $20 сая
Иргэншил: Франц
Спортын төрөл: Хөлбөмбөг
Нас: 25
Аваргуудын лигт түрүүлж чаддаггүй ПСЖ багаа орхиж, Испанийн Эзэн хааны багт нэгдсэн. Өнгөрсөн жил НБА-тай хамтран ажилладаг продюсер компани байгуулж, Nike, Hublot, Oakley-тэй гэрээгээ шинэчлэсэн.
Неймар - $108 сая
Спортоос: $80 сая
Спортоос гадна: $28 сая
Иргэншил: Бразил
Спортын төрөл: Хөлбөмбөг
Нас: 32
Саудын Арабын “Аль-Хиляль” багт шилжээд тэр цалингаас гадна маш олон бонус авсан. Хувийн онгоц, олон тооны дээд зэрэглэлийн машин, харш, цайз гээд Неймарт хүссэн бүхнийг нь арабууд өгсөн. Хэдий багаа амжилтад хөтлөөгүй байгаа ч тэр Fun Brands, Skims-тэй гэрээгээ сунгаж, Puma-тай хамтран нэрийн пүүзээ гаргасан.
Карим Бензема - $106 сая
Спортоос: $100 сая
Спортоос гадна: $6 сая
Иргэншил: Франц
Спортын төрөл: Хөлбөмбөг
Нас: 36
Мөн Саудын Арабын Аль-Иттихад багийн ачаар хөрөнгөө нэмсэн.
Стефен Карри - $102 сая
Спортоос: $52 сая
Спортоос гадна: $50 сая
Иргэншил: АНУ
Спортын төрөл: Сагсан бөмбөг
Нас: 36
Карри нас ахиж, оновч нь буурсан ч зар сурталчилгааны зах зээлд үнэ нь буураагүй. Энэ жил Under Armour-тай гэрээ байгуулж, зодог тайлтлаа 75 сая ам.доллар авах болсон. Баримтат кинонд дүр бүтээж, сагсан бөмбөгчдөө Under Armour - Curry Brand-дээ ашигладаг болсон.
Ламар Жексон-— $100,5 сая
Спортоос: $98,5 сая
Спортоос гадна: $2 сая
Иргэшил: АНУ
Спортын төрөл: Америк хөлбөмбөг
Нас: 27
Ламар Жексон “Балтимор Рэйвенс” багтайгаа гэрээгээ сунгаад авсан 72,5 сая ам.долларын бонусныхаа ачаар энэ чансаанд багтсан. Тэр мөн Oakley, Pro Era — StatusPro компанитай гэрээтэй, студи, ресторан ажиллуулж, өөрийн загварын брэндтэй.
