Холливудын хамгийн тансаг дүүрэг ойн түймэрт өртөж, кино, дуу хөгжим, шоу-бизнесийн олон алдартан орон байраа алдлаа. Ингээд тэдний бүрэн жагсаалтыг толилуулж байна.
Жефф Брижес – Эцэг эхээсээ өвлөж авсан гэр бүлийн голомт болсон байшин нь шатжээ.
Адам Броди, Лейтон Мистер – Пасифик-Палисейдс дүүрэг дэх тэдний байшин бүрэн шатсан. Одоогийн байдлаар тэд ямар нэг мэдэгдэл хийгээгүй байна.
Анна Фэрис – 2019 онд Пасифик-Палисейдст худалдан авсан байшин нь эргэн сэргээх аргагүй шатсан гэж мэдэгдсэн.
Тина Ноулз – Бейонсегийн гэр бүлд азгүй явдал тохиолдсоор л. 2024 оны сүүлээр түүний нөхөр Жей-Зиг насанд хүрээгүй хүүхэд хүчиндсэн хэрэгт буруутгасан. Харин сая ээж нь далайн эрэг дээрх хайртай байшингаа түймэрт алдлаа.
Мел Гибсон – Оскарын хошой шагналт тэрээр Малиба дахь байшингаа бичлэгт явж байхдаа алджээ. “Ажлаа дуусаад иртэл байшин минь байхгүй болсон байсан” гэж мэдэгдсэн.
Пэрис Хилтон – Малиба дахь байшин нь шатсаныг тэр телевизийн мэдээнээс олж мэдсэн. “Маш олон сайхан дурсамж үлдээсэн байшин байлаа” гэж тэр харамссан.
Энтони Хопкинс – Энэ жилийн түймрээр хоёр үл хөдлөх хөрөнгөө алдаж, хохирсон.
Жулия Луи-Дрейфус - Пасифик-Палисейдс дахь 15 сая ам.долларын үнэтэй харшаас нь хэдэн тоосго л үлджээ.
Жошуа Жексон – Топангад байсан 2 сая ам.долларын үнэтэй байшин нь үгүй болжээ.
Жене Айко – Дуучин бүсгүй цахим сүлжээгээр “Байшин минь бүх эд хошил, хувийн зүйлсүүдтэй минь хамт галд шатчихлаа. Тэгээс дахин эхлэх боллоо. Үнэхээр гунигтай” гэж зовлонгоо хуваалцсан байна.
Билли Кристал – Эхнэр Женистэйгээ 1979 оноос хойш хамт амьдарсан байшингаа тэр “Бид энд ач, зээгээ өсгөсөн. Манай байрны булан бүр хайраар дүүрэн байлаа” гэж харамссан байна.
Кэри Элвис – “Гэрбүлтэйгээ хамт аюулгүй газарт очиж чадлаа. Байшин минь шатажалгабболсон. Гэхдээ амьд үлдсэндээ баяртай байна” гэжээ.
Южин Леви – Орон гэргүй үлдсэнийг нь хүү нь мэдэгдсэн.
Майло Вентимилья – Гэргий нь бие давхар байхад энэ гамшиг тохиолджээ. Майло байшингаа алдсанаа өөрийн тоглосон кинотой харьцуулжээ.
Диана Уоррен – Хөгжмийн зохиолч Диана түймэр гарахаас өмнөх байшингийнхаа сүүлийн зургийг тавиад “Байшин дээр мандсан солонго бидний итгэл найдварын бэлгэ тэмдэг байлаа” гэж харуусжээ.
Жеймс Вудс - Пасифик Палисейдс дахь олон саяын үнэтэй байраа алдаад Вудс улс төрчдийг буруутгасан.
