Өнөөдөр буюу нэгдүгээр сарын 26-нд миний хоккейн мөнхийн шүтээн, Канадын домогт хоккейчин "The GREAT ONE" хэмээн алдаршсан аугаа Уэйн Гретцки 64 нас хүрч байна.
Бага насандаа түүний гайхамшигтай тоглолтыг ТВ-ээр үзэн, "Эдмонтон ойлерс", Канадын шигшээ багийн захыг мушгиж, эргэлт буцалтгүйгээр өнөөг хүртэл шүтэн биширч явна даа.
Түүний алдар цуу, гавьяа шагналыг дурьдаад барахгүй л дээ. Хоккейн спортын оргил гэгддэг НХЛ-д хоёр арван жил тоглохдоо Стэнлийн цомын 4 удаагийн аварга болж, хамгийн шилдэг тоглогчийн "Харт трофи"-г 9 удаа хүртэж, НХЛ-ын түүхэн 61 рекордыг эзэмшдэг гээд л ...
1999 онд зодог тайлахад нь НХЛ түүний "99" дугаарыг үүрд мөнхөлсөн гэхээр нь хэр зэрэг хүндэтгэл хүлээсэн тоглогч байсан нь мэдэгдэнэ. Зөвхөн ямар нэг баг биш, бүхэл бүтэн лигийн хүрээнд дугаарыг нь дархалж байна шүү дээ, Аугаа.
"Агч навчны" орон Канадын шигшээдээ тоглохдоо Канадын цомын түрүүг 3 удаа авч байлаа.
"АУГАА" Гретцкиг "Солт Лэйк сити 2002" Өвлийн олимпын үеэр анх "амьдаар нь" харж, Канадын шигшээг олимпын аварга болоход нь (Гретцки багийн менежер байсан) магнай хагартлаа баярлаж байж билээ.
Гретцки бол 100 жилд биш 1000 жилд нэг төрөх хоккейчин.
Happy birthday to you! The GREAT ONE , GRETZKY гээд "Мөнхийн 99" дугаараараа нэрлэсэн "рашаанаас" чинь нэг тогтооё доо!
