Өнөө цагт гар утасны аппликейшнүүд бидний өдөр тутмын амьдралд чухал үүрэг гүйцэтгэх болсон билээ. Хүссэн зүйлээ хурдан, хялбар хийх боломжийг бидэнд олгодог эдгээр аппууд нь амьдралыг илүү хөнгөвчилж, үр ашигтай болгодог. Энэхүү цуврал нийтлэлийнхээ энэ удаагийн дугаарт бид залуу ээжүүдийн ажлаа хөнгөвчилдөг, ашиглах дуртай шилдэг 3 аппыг танилцуулахаар бэлтгэлээ.
Г. ЧИМЭЭ
#Ээжүүд
Ээжүүд" нь жирэмсэн болон хөхүүл ээжүүдэд зориулсан гар утасны аппликейшн бөгөөд эрүүл мэнд, жирэмсний явц, хүүхэд асрахтай холбоотой мэдээлэл, зөвлөгөө өгдөг. Хэрэглэгчид өөрийн мэдээллийг бүртгүүлэн, жирэмсэн эсвэл төрсний дараах үеийн хэрэгцээт зөвлөгөө, сануулгыг авах боломжтой.
Жирэмсэн үедээ хэрэгтэй мэдээллүүдээ цаг алдалгүй авч, хяналт тавихад маш их тусалсан. Одоо хүүхдээ асрахдаа ч хэрэгтэй зөвлөгөө, сануулгууд авдаг. Хэрэглэхэд хялбар, мэдээлэл нь найдвартай санагдсан.
#Хүүхэд
"Хүүхэд" гэх аппликейшн нь хүүхдүүдийн боловсролд зориулсан, 1100 гаруй өндөр чанартай зураг, текст, дуу хоолой бүхий флаш картуудыг агуулсан боловсролын апп юм. Энэхүү апп нь харааны болон сонсголын боловсрол, ой санамжийг сайжруулах зорилготой бөгөөд нэмэлт дуу авиануудыг багтаасан. Үгсийн сан нь 6 сараас 4 насны хүүхдүүдэд тохиромжтой.
Хүүхэд маань зураг хараад, дуудлагыг нь сонсоод их дуртай байдаг. Флаш картууд нь өнгөлөг, ойлгоход хялбар, бас дуу авианууд нь сонирхолтой. Хүүхдийнхээ үгсийн санг баяжуулахад үнэхээр тусалж байна.
#Ulger
Энэхүү апп нь Монголын түүх, соёл, уламжлалыг хүүхдүүд болон насанд хүрэгчдэд зориулан танилцуулах зорилготой гар утасны аппликейшн юм. Энэхүү апп нь Монголын үлгэр, домог, түүхийн тухай өгүүллэгүүдийг агуулсан бөгөөд хүүхдүүдийн сонирхлыг татахуйц дүрслэл, дуу хоолой бүхий контенттой.
Монголын түүх, үлгэрүүдийг хүүхэддээ сонирхолтой дүрслэл, дуу хоолойгоор үзүүлж байгаадаа баяртай байдаг. Бага насныханд түүхээ танин мэдэхэд хамгийн тохиромжтой апп.
Э. ГҮНДЭГМАА
#BEABA
BEABA & Me бол BEABA брэндийн боловсрол, хооллолт болон эцэг эхчүүдэд зориулсан гар утасны апп юм. Энэ апп нь хүүхдийн хоол бэлтгэх, тэжээллэг байдлыг хангах, мөн эцэг эхчүүдэд хүүхдийнхээ эрүүл мэндийг хянахад туслах зорилготой.
Хүүхдэд зориулсан хооллолтын жор, меню гаргаж өгдөг болохоор их хэрэгтэй, ашиглахад амар апп.
#The Wonder Weeks
Энэхүү апп нь хүүхдийнхээ хөгжилд гарч буй өөрчлөлтүүдийг ойлгож, тэдний зан авир, сэтгэл хөдлөлийг хянахад тусалдаг.
Хүүхдийн минь өсөлт хөгжил, сэтгэл зүйн хөгжлийг долоо хоног тутамд харуулдаг болохоор их чухал санагддаг.
#Hellobaby
HelloBaby бол эцэг эхчүүдэд зориулсан бүх төрлийн функцийг багтаасан апп юм. Энэхүү аппын гол зорилго нь хүүхдийн өсөлт, хөгжил, асаргааг хялбаршуулахад чиглэжээ.
Өсөлт хөгжил, чадварыг нь сар сараар багцлан харуулдаг болохоор маш амар санагддаг. Олон ажил хялбарчилдаг шүү.
Г. ХУЛАНГОО
#Trello
Trello апп нь ээжүүдийн хувьд амьдралын бүх талбарт (ажил, гэрийн ажил, хүүхдийн асаргаа, хувийн цаг) зохион байгуулалт хийх, хялбархан хуваарилах, давхцалгүй даалгавруудыг зохион байгуулахад маш тохиромжтой. Ээжүүдийн өдөр тутмын амьдралыг илүү сайн зохион байгуулж, ажлынхаа хуваарийг зөв тохируулж, хүүхдийн асаргааг төлөвлөхөд туслахуйц олон боломжуудтай.
Хувийн бизнес эрхэлдэг учраас чухал захиалгуудаа мартахгүй гээд энэ апп дээрээ тэмдэглэдэг.Ер нь төлөвлөсөн зүйлсээ ангилж, ялгаж, салгаж, цэгцтэй байхын тулд ашигладаг.
#Ээжүүд
Жирэмсэн байхаас эхлээд ашиглах боломжтой. Сар сараар хянаад явдаг болохоор их амар. Мөн төрсний дараа хүүхдийн хөгжлөө тэмдэглэхээс гадна хэрэгтэй бүх мэдээллүүдээ авч болдог.
#Block Blast
Block Blast бол блок таавар тоглоом бөгөөд тоглогчдыг янз бүрийн хэлбэрийн блокуудыг зөв байрлуулж, шугамуудыг нураан оноо цуглуулахад гол даалгавар оршдог.
Гадуур явж байхдаа, ямар нэгэн зүйл хүлээж байхдаа ч юм уу тоглодог. Стресс ч сайн бууруулдаг. Хамгийн чухал нь дээд амжилтаа эвдэх
