Хан-Уул дүүргийн 3 дугаар хорооны нутаг дэвсгэрт үйл ажиллагаа явуулж байгаа “Магнит Импорт” компанийн хуурай хольцын үйлдвэрийн талаар иргэдээс ирүүлсэн гомдлын дагуу өнөөдөр нийслэлийн Хяналт шалгалтын газар болон холбогдох бусад албаныхан байршил дээр нь ажиллалаа. Тус үйлдвэр орон сууцны бүсэд байрладаг. Ойр орчимдоо дуу чимээ, тоос шорооны бохирдол ихээр үүсгэдэг зөрчилд үндэслэн нүүлгэн шилжүүлэх арга хэмжээ авахаар боллоо.
“Магнит Импорт” компанийн хуурай хольцын үйлдвэр 2023 онд Хот байгуулалт, хотын стандартын газраас долоон давхар үйлчилгээний зориулалттай орон сууц барих зөвшөөрөл авсан хэдий ч зөвшөөрлийг зориулалтын бусаар ашиглан үйлдвэрлэл явуулж байгаа нь тогтоогдсон байна. Цаашид тухайн байршилд зөвхөн үйлчилгээний орон сууц барих зөвшөөрөл олгох юм.
