Аугаа их Эх орны дайнд ялалт байгуулсны 80 жилийн ойн өдөр дөхсөөр байна. Москва хотын Улаан талбайд болох Ялалтын сүрт жагсаал өглөөний 10:00 цагт эхлэх юм. Энэхүү арга хэмжээнд оролцохоо нийт 24 улсын төрийн тэргүүн илэрхийлээд байгаа юм.
Хуучин ЗХУ-ын бүрэлдэхүүнд байсан улсуудаас Украин, Молдав, Гүрж, Латви, Литва, Эстони улсууд оролцохгүй.
Цэргийн сүрт жагсаал олны анхаарлыг ихэд татдаг. Энэ жил Азербайжан, Вьетнам, Беларусь, Египет, Казахстан, БНХАУ, Киргиз, Лаос, Монгол, Мьянмар, Тажикстан, Туркменистан, Узбекистаны цэрэг дайчид парадад оролцоно. Хамгийн олон хүнтэй нь Хятадын 102 дайчинтай баг байна.
Хойд Солонгосын цэрэг оролцох яриа гарсан ч Кремль үгүйсгэлээ.
