Дэлхийн тоглоомчид шинээр худалдаанд гарсан “Nintendo Switch 2” авахаар хонон өнжин, дугаарлаж эхэллээ.
Нью-Йоркийн Рокфеллер төвд хүмүүс майхан барин, хүлээж байгаа бол дараалал хэдэн хороолол үргэлжилсэн байна.
Тоглоомын хорхойтнууд Nintendo-гийн хайртай баатрууд шигээ хувцаслан иржээ.
Сан-Франциско, Парис, Токио гээд бүх том хотод байдал ижилхэн.
Австралийн EB Games дэлгүүрүүд пиг дүүрч, хүмүүс баярт ирж байгаа мэт баясгалантай.
Switch 2 илүү том дэлгэцтэй, график сайжирсан бөгөөд Mario Kart World, Cyberpunk 2077 тоглоомтой худалдаанд гарч байгаа юм.
Энэ жил 15 сая ширхэг зарагдана гэж шинжээчид үзэж байна.
