Коко Гауфф нь 2004 оны 3-р сарын 13-нд АНУ-ын Атланта хотод төрсөн, дэлхийн №2 теннисчин, 10 удаагийн WTA цомын эзэн, 2023 оны АНУ-ын нээлттэй тэмцээний ганцаарчилсан төрөлд түрүүлсэн, мөн 2025 оны Францын нээлттэй тэмцээний ганцаарчилсан төрөлд түрүүлсэн амжилттай залуу тамирчин юм.
Коко 6 настайдаа талбайн теннис сонирхож эхэлсэн бөгөөд 2012 онд "Little Mo" тэмцээний 8-аас доош насны ангилалд улсын аварга болжээ. Түүний гэр бүл 2014 онд Францын Моуротогло академид шилжин суурьшсанаар Коко Серена Уильямсын дасгалжуулагч байсан Патрик Моуротоглогийн удирдлага дор бэлтгэлээ эхэлсэн байна.
Коко тэмцээний өмнө "Би 2025 оны Францын нээлттэй тэмцээнд түрүүлнэ" гэсэн үгийг байнга бичиж, өөртөө итгэл төрүүлэх зорилгоор манифестийн арга хэрэглэж байжээ. Түүний энэ арга нь 2024 оны Парисын олимпийн медальт тамирчин Габби Томасын ижил аргачлалаас сэдэл авсан ба Коко энэ аргыг сэтгэлийн түгшүүртэй үед хэрэглэж, өөрийн зорилгодоо хүрэхэд тусалсан гэж онцолсон байна.
Ийнхүү Францын нээлттэй тэмцээнд түрүүлсэн нь теннисний талбай дээрх амжилт төдийгүй, өөрийнх нь амьдралын философи, зорилго, итгэл үнэмшлийг илэрхийлсэн чухал үйл явдал байлаа.
