Ээж хайрханы энгэр бэлд жилийн дөрвөн улиралд нутаглаж, ан амьтадтай зэрэгцэн оршиж, их говийн “эзэн” нь мэт болсон шавилхан биетэй, хэрсүү бор хүү Н.Бэхи хүүгийн тухай баримтат кино одоогоос гурван жилийн өмнө олны хүртээл болж байсан билээ.
Үзэгчид хүүгийн эр зориг, эрэлхэг, хэрсүү, хөдөлмөрч зангаар нь бахархаж жинхэнэ монгол ахуй, нүүдэлчин соёл, хөдөөгийн амьдрал ийм л байдаг хэмээн сэтгэгдлээ хуваалцаж байсан юм. Н.Бэхи кино зураг авалтын үеэр 12 настай байсан бол одоо 16 нас хүрч ахлах ангиа төгсжээ.
Зургаан настайгаасаа хонь хариулж, морь унаж сурсан тэрээр “Сургуульдаа явах, мал маллах аль нь ч гоё. Сургуульдаа сурч байвал эрдэм мэдлэгтэй хүн болно. Бас найзуудтайгаа хөгжиж, хөгжилдөж өдрийг өнгөрүүлнэ” хэмээн хэлж байсан юм.
Баримтат киног үзэхийг хүсвэл ЭНД дараарай.
