Сагсан бөмбөгийн Үндэсний Дээд лигийн 2025-26 оны шинэ улирлын нээлтийн тоглолтууд өнөөдөр “М банк” аренад явагдана.
Эмэгтэйчүүдийн лигийн нээлтэд “Улаанбаатар Амазонс” болон “Pirates” (хуучнаар Stars) багууд оноолт тааран 10-р сарын 1-ний өдөр 18:10 цагаас хүч сорино.
Харин эрэгтэйчүүдийн Үндэсний Дээд лигийн шинэ улирлын нээлтийн тоглолтод өнгөрсөн жил финалдсан “Хасын Хүлэгүүд” болон “Бишрэлт Металл” багууд 10-р сарын 1-ний өдөр 20:40 цагаас тоглоно.
“Хүлэгүүд” Үндэсний Дээд лигт есөнтөө түрүүлээд байгаа бол “Бишрэлт Металл” багийнхан сүүлийн гурван жилд дараалж мөнгөн медаль хүртсэн билээ.
