Испанийн парламент өнгөрөгч пүрэв гарагт сарын тэмдгийн маш хүчтэй, ажиллах боломжгүй нөхцөлд хүргэдэг өвдөлттэй нүүр тулдаг эмэгтэйчүүдэд зориулсан өвчний тусгай чөлөө олгох хуулийг баталлаа. Ингэснээр Испани нь энэ төрлийн цалинтай амралтыг нэвтрүүлсэн Европын анхны улс болж байна.
Мэдээллийн хэрэгслүүдийн мэдээлснээр шинэ хууль нь эмэгтэйчүүд ажлаа хийхэд хүнд нөхцөл байдалд хүргэх сарын тэмдгийн өвдөлтийг мэдэрч байвал ажилдаа явахгүй байх боломжийг олгоно.
Хуулийн төсөлд нийт дэмжсэн 185 санал, эсэргүүцсэн 154, тооцогдохгүй 3 санал ирсэн бөгөөд энэ нь Ерөнхий сайд Педро Санчесийн Социалист засгийн газрын томоохон ялалт гэж үзэж байна. Санчесийн намаас нэг гишүүн (хуучин дэд ерөнхий сайд Кармен Кальво) түдгэлзэж, нам дотор бага зэргийн маргаан үүссэн ч дэмжигдэж чадсан юм.
Шинэ хууль нь зөвхөн сарын тэмдгийн амралтаар хязгаарлагдахгүй бөгөөд дараах өөрчлөлтүүдийг багтаажээ:
Улсын эмнэлгүүдэд үр хөндөлт хийх эмчилгээ, үйлчилгээний боломжийг нэмэгдүүлэх
Сургууль, шорон зэрэг байгууллагад сарын тэмдгийн бүтээгдэхүүнийг үнэгүй олгох
Мөн энэ өдөр парламент LGBTQ+ хүмүүсийн эрхийг бэхжүүлэх шинэ хуулийг баталсан нь жендерийн эрх тэгш байдлын талаарх Испанийн бодлогыг улам хүчирхэгжүүлжээ. Ижил эрх тэгш байдлын сайд Ирене Монтеро энэ өдрийг “Феминист эрхийн хөгжилд түүхэн өдөр” хэмээн твиттерт бичсэн байна.
