"Moon dance" хамтлаг Стандарт бүжгийн төрлөөр ДАШТ-д эх орноо төлөөлөн анх удаа оролцож, хүрэл медаль хүртлээ. Энэ нь Ази тивээс стандартын төрөлд медаль хүртэж байгаа анхны тохиолдол аж. Хүрэл медалийг “Strings of the Soul” буюу “Сэтгэлийн утас” бүжгийн үзүүлбэрээр хүртсэн байна.
Мөн тус хамтлаг энэ сарын 13-нд буюу бямба гарагт Австри улсад болон Латин бүжгийн ДАШТ-д оролцох юм. "Moon dance" хамтлаг Латин бүжгийн төрөлд 11 дэх жилдээ оролцох бөгөөд сүүлийн гурван жил дараалан медаль хүртэж байгаа билээ.
