Мэргэжлийн тамирчин Амин sugaR Азимов “CyberMeta”-д ярилцлага өгч, “StarLadder Budapest Major 2025” тэмцээнд оролцож байгаа багуудын талаар сэтгэгдлээ хуваалцлаа. Тэмцээний плей-оффт Team Spirit, Team Falcons, The MongolZ, Team Vitality, MOUZ, FaZe Clan, Natus Vincere, FURIA Esports шалгараад байгаа билээ.
-Ямар баг таны сэтгэлд хүртэл тоглож чадсангүй вэ?
-Тийм баг байхгүй гэж хариулахаар байна. Плей-оффт гарсан багууд угаасаа л шалгарах нь тодорхой байсан. Бүгд чадлаараа гараад ирлээ. “PARIVISION” багийг гуравдугаар шатанд ядаж ганц хожих байх гэж найдсан. Чадсангүй, гэхдээ тэд сайн байсан.
-Хасагдах шатны найман багаас “FaZe Clan” л ганцаараа бүхэл гурван үед тэмцэлдэж гарч ирсэн.
-Энэ бол том амжилт. "MOUZ” багийг ялах боломж тэдэнд бий. Боломжоо ашиглаж чаддаг нь “FaZe Clan” багийн гол ид шид шүү дээ. Хэр хол явж чадахыг нь харж байя.
- “StarLadder Budapest Major 2025” тэмцээнд түрүүлж чадахгүй гэж 100 хувь итгэлтэй хэлэх багаа нэрлээч?
-Хэцүү асуулт байна. “The MongolZ”, “Natus Vincere” багууд түрүүлж чадахгүй гэж бодож байна. Монголчууд шинэ бүрэлдэхүүнээрээ бүрэн дасаагүй, учраа гүйцэд олоогүй байгаа. Харин “Natus Vincere” угаасаа формгүй байгаа.
-Финалд ямар хоёр багийг харахыг хүсэж байна вэ?
-Хэн ч байсан ялгаагүй. Нэг тал нь хэт илүүрхэлгүй өрсөлдөж байвал миний хувьд хангалттай.
The Mongolz:
Аюуш mzinho Батболд;
Өсөхбаяр 910 Банзрагч;
Содбаяр Techno Мөнхболд;
Гаридмагнай Blitz Бямбасурэн;
Өнөдэлгэр Controlez Баасанжаргал;
Эрдэнэдалай Maaraa Баянбат (дасгалжуулагч).
