Нуугдмал өлсгөлөн гэж юу вэ?
Бидний бие махбод шаардлагатай хэмжээний шим тэжээл авч чадахгүй бол тархи дохио өгдөг. Энэ төрлийн өлсгөлөн нь гэдэс хоржигнох, хоол хүнс идэх дохио өгөх зэргээр хүнд шууд мэдрэгддэг бол нуугдмал өлсгөлөн тийм биш. Та D витамин, магнийн дутагдалд ороход тархи өлсгөлөнтэй ижил дохиог өгөхгүй. Ийм төрлийн өлсгөлөн таниас нуугдаж чаддаг болохоор эрч хүчтэй, идэвхтэй амьдрах хэмжээний шим тэжээл авч буй эсэхээ хүмүүс мэддэггүй. Үүнийг нуугдмал өлсгөлөн хэмээдэг. Илүүдэл жинтэй хэдий ч үндсэн шим тэжээлийн дутагдалтай байж болно. ДЭМБ-аас 2 тэрбум хүн микро шим тэжээлийг хангалттай авч чадахгүйн улмаас нуугдмал өлсгөлөнтэй тулгарч байгааг мэдээлжээ.
Нуугдмал өлсгөлөнгийн тухай илүү дэлгэрэнгүй мэдээллийг видеоноос үзээрэй.