Тувагийн нийслэл Кызыл хотод ОХУ, Монголын цэргийн албан хаагчдын дунд бөхийн 6 төрлөөр тэмцээн явагдлаа. “Кубок Защитника” хэмээх энэ тэмцээнийг хоёр улсын хооронд дипломат харилцаа тогтоосны 105 жилийн ойд зориулан, зохион байгуулжээ.
Хоёр талын Армийн шигшээ багт дэлхий, тивийн АШТ-ий медальтнууд, олон улсын тэмцээний аваргууд байлаа. ОХУ-ын шигшээ багт ЦСКА нийгэмлэг, Цэргийн төв тойргийн спорт ротын тамирчид багтсан байв.
Сонгомол барилдаан: ОХУ — Монгол 5:0
Жүдо: ОХУ — Монгол 4:1
Самбо: ОХУ — Монгол 3:2
Сүмо: ОХУ — Монгол 4:1
Чөлөөт бөх: ОХУ — Монгол 5:0
Монгол үндэсний бөх: ОХУ — Монгол 1:4
Эхний тэмцээн Оросын тамирчдын ялалтаар өндөрлөлөө. Ирэх жил даагаа нэхэх тэмцээнийг манай улсад зохион байгуулна.
