Японы Айчи мужийн Нагоя хотод үргэлжилж буй Азийн пара V наадамд пауэрлифтингийн эрэгтэйчүүдийн 107 кг-ын жинд Хөдөлмөрийн баатар, гавьяат тамирчин Э.Содномпилжээ түрүүлж, Азийн наадмын хошой аварга боллоо.
Манай тамирчин эхний оролтоороо 231 кг, хоёр дахь шахалтаар 236 кг, сүүлийн өргөлтөөр 246 кг шахсанаар алтан медалийн болзол хангасан юм.
Э.Содномпилжээ 2018 оны Жакартагаас алт, 2023 онд Ханжоугоос мөнгөн медаль зүүсэн бөгөөд 2026 онд дахин алтан медаль хүртлээ.
Фото: Ж.Адилбиш, Х.Мөнхбилэг
