Яг одоо "Netflix"-ээс үзэж болох даралт ихэсгэм 10 аймшгийн кино
Нар жаргаж харанхуй болжээ. Одоо л аймшгийн кино үзэх цаг шүү дээ. Энэ кинонуудыг эхнээс нь сонирхоод үзээрэй гэж зөвлөх байна.
1. The Old Ways
Сүүлийн үед нэлээн од болж, интернэтэд яригдаад байгаа кино. 2020 онд хийгдсэн бөгөөд саяхан Netflix-д нэмэгдсэн байгаа. Төгсгөл нь их сонирхолтой гэх юм билээ.
2. Shutter
Энэ киног үзсэнийхээ дараа та зураг авахаас, даруулсан зургаа харахаас ч нэг хэсэгтээ айх болно. Гол нь 8 сарын 31 дуусаад л энэ кино дахиж Netflix дээр гарахгүй тул амжиж үзээрэй.
3. As Above So Below
Алхимийн тухай сонирхдог хүмүүст нэлээн таалагдана даа. Тэр нэг нүх рүү орсон цагаас эхлээд л зүгээр л самуурна.
4. Deliver Us From Devil
"The Exorcism of Emily Rose" болон "Sinister" зэрэг киноны найруулагчийн бүтээл. Тэгээд л ойлгоход болно доо.
5. Veronica
Бодит явдлаас сэдэвлэсэн гэдэг юм билээ. Бас л зэвүүн хэсгүүд ихтэй кино шүү.
Бодит Вероникагийн хэргийн газар очсон цагдаа нар зүгээр л шоконд орсон гэдэг.
6. The Exorcist
Хүмүүс зүрхний шигдээс болсон, үзэж байгаа хүмүүс нь татаж унасан, бөөлжсөн гээд ярих юм бол зөндөө л юм байна. Бас нэг жүжигчин нь үхэхэд бүр ч их шуугиан дэгдэж байлаа. Үзэж амжаагүй бол үзэх л хэрэгтэй.
7. Aterrados
Би лав дахиж үзэхгүй л гэж бодсон. Эхлээд удаагүй байхдаа л тэр 00-ийн өрөөнд юу болсныг харсан цагаасаа нэг л үзмээргүй санагдаж байлаа. Эвгүй эвгүй.
8. The Call
Сүүлийн үед үзсэн кинонуудаас сэтгэлд маш тод үлдсэн эвгүй кино. Хэн нэгэнд тусалмааргүй ч юм шиг, ер нь утсанд дуудлага ирэхээс ч эвгүй санагдана.
9. Under The Shadow
Нэг их сүртэй аймаар юм гарахгүй мөртлөө л айгаад, түгшээд үздэг кино байдаг даа? Яг л тийм.
10. The Exorcism of Emily Rose
Зүгээр л энэ гол дүрийн эмэгтэйн жүжиглэлтэд алга таших хэрэгтэй. Жинхэнээсээ л чөтгөрт эзэмдүүлсэн хүн ийм байдаг байх гэмээр санагдана. Эвгүй, сэтгэлд сэвтэй үзэгдэл ихтэй, удтал санаанаас гарахгүй. Үзэхгүй 5,10 жил болсон ч дараа нь харахад бие арзайна. Учир нь надад яг тэгж санагдсан.
Мөн л бодит явдлаас сэдэвлэн бүтээсэн.