Афган эмэгтэйчүүд хар хижаб өмсөхийг эсэргүүцжээ
![Афган эмэгтэйчүүд хар хижаб өмсөхийг эсэргүүцжээ](https://cdn.ub.life/files/e98c37d0-3a4d-4f00-8ab2-5b0d5e8034a4/01a6cbf186b93500bf555975965ecb91.jpg)
Дэлхийн өнцөг булан бүрд аж төрж буй афган эмэгтэйчүүд талибанчуудын гаргасан сургууль дээр хар өнгийн хижаб өмсөх шинэ дүрмийг эсэргүүцэж өнгөлөг уламжлалт даашинзаар гоёсон зургуудаа олон нийтийн сүлжээнд байршуулан давалгаалж байна.Афганистаны засгийн эрхийг аваад буй талибанчууд эрэгтэй, эмэгтэй сурагчдыг тусдаа танхимд хичээллэх чиглэл өгсөн ба эмэгтэй сурагч, багш, ажилтнуудыг Шариатын хуулийн дагуу хөлөөсөө толгой хүртэл урт хар өнгийн хижаб өмсөхөөр зарлигджээ.
![](https://cdn.ub.life/files/e98c37d0-3a4d-4f00-8ab2-5b0d5e8034a4/839fbc74303808669db56e17441ac068.jpg)
Өнгөрөгч бямба гарагт Кабул хот дахь улсын их сургуулийн эмэгтэй оюутнууд энэ шинэ дүрмийн дагуу хувцаслан Талибаны тугийг даллаж буй зураг цацагдсан нь эмэгтэйчүүдэд хүндээр туссан аж. Үүнийг харсан Афганистаны их сургуулийн багш асан Бахар Жалали нийт афган эмэгтэйчүүдийг уриалан кампанит ажил эхлүүлээд байна. Тэрбээр “Афганистаны түүхэнд эмэгтэйчүүд ингэж хувцасласан тохиолдол нэг ч байхгүй. Энэ бол бидний соёл уламжлалтай харших, хэтэрхий харийн зүйл. Би талибанчуудын сурталчилж буй ташаа бүхнийг эсэргүүцэн үндэсний хувцастай зургаа хуваалцаж байна” гэж твиттер хуудастаа бичжээ.Түүний уриалгыг дэмжиж буй олон афган эмэгтэйчүүд үндэсний өмсгөлтэй зургуудаа олон нийтийн сүлжээнд оруулсаар байна. Тэд “Энэ бол Афганистаны соёл, афган эмэгтэйчүүд ингэж хувцасладаг” гэх уриан дор нэгджээ.
Эх сурвалж: CNN
ЭНЭ МЭДЭЭНД ӨГӨХ ТАНЫ СЭТГЭГДЭЛ?
- СЭТГЭГДЭЛ БИЧИХ
- Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
![Шар шувууны тухай СОНИРХОЛТОЙ 10 баримт](https://cdn.ub.life/files/cover/cover-d45496ab-b41e-4a96-9831-6fea1560731d.png)
Шар шувууны тухай СОНИРХОЛТОЙ 10 баримт
1. Шар шувууны нүд нь ухархайтайгаа наалдан бэхлэгдсэн байдаг тул нүдний аягаа хөдөлгөж чадахгүй. Тиймээс толгойгоо 180 градус эргүүлж чөлөөтэй хөдөлгөж 270 градус хүртэлх эргэн тойрноо хардаг байна.
![Ричард Гир Буриадын буддын хуралд оролцоно](https://cdn.ub.life/files/cover/cover-9237e715-ebd2-4d3a-adea-308d446a5acc.jpg)
Ричард Гир Буриадын буддын хуралд оролцоно
Гир 1970-аад оны эхээр Буддын шашинд орсон.
![АНУ-ын ТНБД Энтони Блинкен Монголд айлчилна](https://cdn.ub.life/files/cover/cover-69304c9e-8d3c-49bb-9e2b-f82f73c1301b.jpeg)
АНУ-ын ТНБД Энтони Блинкен Монголд айлчилна
Украин, Өмнөд Хятадын тэнгисийн байдлын талаар хэлэлцэх гэнэ.
![Өнөөдрийн гэрэл зураг: Израил орон сууцны барилгыг дэлбэллээ](https://cdn.ub.life/files/cover/cover-762c4620-1fde-4b24-984f-f14bbbf777ba.jpg)
Өнөөдрийн гэрэл зураг: Израил орон сууцны барилгыг дэлбэллээ
Фото: REUTERS/Omar Naaman