1 мин

Гадаадууд түүхий сонгино Ковид 19-ийг устгана хэмээн итгэж, мянга мянгаараа хүчтэй сорж үнэрлэжээ

О.Анхзаяа 2021.09.23 1

Хаанаас ч юм мэдэхгүй хэн нэгэн хүн түүхий сонгиныг зүсээд маш хүчтэйгээр үнэрлэвэл Ковид-19 вирус устдаг гэх мэдээлэл тавьж, хүмүүс түүнд итгэсэн байна.

Тус халдварыг авсан маш олон хүн тус аргыг ашигласан бөгөөд энэ нь уушгийг цэвэрлэдэг хэмээн итгэжээ. 

Тэгээд ч зогсохгүй ийм постууд ч нэлээн явжээ.

Сонгиныг хоёр хуваагаад гэртээ тавиад үз. Энэ нь ханиад томуугийн нянг өөртөө шингээнэ. Хятадад хүн болгон энэ аргыг хэрэглэж, гэртээ хуваасан сонгино тавьсан. Дараа нь сонгиныг шинжилж үзэхэд нянгаар дүүрэн байжээ. Үүнийг гарцаагүй туршаад үзэх хэрэгтэй.

Энэ постуудаас болоод мэргэжлийн эмч нар мэдэгдэл гаргаж, сонгино хуваагаад хүчтэй сорж амьсгаллаа гээд нян устахгүй болохыг сануулжээ.

"Энэ нь буруу мэдээлэл төдийгүй маш аюултай. Хэрэв тус халдвараар өвчилсөн хүн сонгино үнэрлээд зүгээр болно гэж бодоод туршиж байвал хэрэгцээтэй эмчилгээг авахад бэрхшээлтэй болно" гэжээ.

Олноороо худал мэдээлэлд шууд автаж, туршиж үзэхгүй байхыг эмч нар дэлхий даяар сануулж байна.

О.Анхзаяа 2021.09.23