1 мин

'DC Comics'-ийн шинэ супер баатар бисексуал гэдгийг зарлалаа

Ub.life 2021.10.12 4 4 1

DC Comics шинэ супер баатар болох Жон Кентийг бисексуал байна гэж мэдэгджээ. Ирэх арваннэгдүгээр сард худалдаанд гарах комикийн сэдэв нь "Супермен: Кал-Элийн хүү" цувралын нэг хэсэг аж. Тус комикт Жон өөрийн эцэг Кларк Кентээс Супермений нөмрөгийг хүлээн авч буй үеийн үйл явдал гарах гэнэ. 

Өнгөрөгч долоодугаар сараас гарч эхэлсэн уг цуврал комикт Жон Кент уур амьсгалын өөрчлөлтөөс үүдэлтэй ойн түймэртэй тэмцэж, дунд сургуульд гарсан зэвсэгт халдлагыг таслан зогсоож, дүрвэгсдийг албан гаргахыг эсэргүүцэж буйгаар дүрслэгддэг. Мөн өмнөх дугааруудад тэрбээр ягаан үст сурвалжлагч Жэй Накамура нөхөрлөж буй тухай гардаг билээ. 

Тэгвэл удахгүй гарах тав дахь дугаарт Жон, Жэй хоёр хайр сэтгэлийн холбоо үүсгэж байгаагаар гарна гэж DC Comics-оос мэдээлжээ. 

Дашрамд дурдахад, нэгээс олон төрлийн хүйсэнд татагддаг хүнийг бисексуал гэнэ. Тэр нь эрэгтэй, эмэгтэй ямар ч хүйсийн хүн байж болох юм. Мөн өөрийгөө бисексуал эсэхийг нээн илрүүлж буй хүмүүсийг "bicurious" гэж нэрлэдэг байна.

Холбоотой мэдээлэл: Хүмүүс өөрийгөө "хэн" гэж мэдэрдэг тухай бидний мэдвэл зохих 10 ТОДОРХОЙЛОЛТ

Эх сурвалж:  BBC

Ub.life 2021.10.12