Түгжрэлд уншихад тохиромжтой 5 төрлийн НОМ
Их хотын түгжрэлд унших ном хайж байвал дараах 5 төрлийн номыг санал болгож байна. Түгжрэлд, автобусанд жижиг хэмжээтэй ном унших нь тохиромжтой бөгөөд хамгийн арын суудалд тухлахгүй л бол зузаан роман, хүнд философийн ном сонгоод хэрэггүй л болов уу. (Жолоо барьж яваа үедээ ном унших, анхаарал сатааруулах зүйл хийхгүй байхыг танд зөвлөж байна)
#1 Богино өгүүллэгийн цоморлиг, яруу найргийн ном
Богино хэмжээний өгүүллэгийн ном, яруу найргийн бүтээл нь сонирхолтой бөгөөд нэг бүтэн өгүүллэг, шүлгийг хэсэг зуурын түгжрэл дунд уншчихаж болох давуу талтай.
#2 Өмнө нь уншсан ном
Заавал бүтнээр нь унших шаардлагагүй, энд тэндээс нь уншсан ч эргэн санаж чадах номууд юм. Ялангуяа нийтийн тээвэрт анхаарал сатаарах магадлал их тул шинэ номоос илүү өмнө нь уншаад таалагдсан, өөртөө аль нэг хэсгээс нь сануулахыг хүссэн номоо сонговол зүгээр.
#3 Аудио ном
Түгжрэл дунд дуу сонсохоос илүү подкаст, аудио ном сонсох нь илүү үр бүтээмжтэй байх болно. Төрөл бүрийн аудио номоос сонгон үнэгүй сонсож болох жагсаалтыг эндээс хараарай.
#4 Зурагтай ном
Автобусанд үг өгүүлбэр тогтож харах хэцүү байдаг бол зурагтай ном сонгоорой. Хэлээ сайжруулах зорилгоор гадаад хэл дээрх зурагтай ном үзэж ч болно.
#5 Цулгуй хавтастай ном
Ямар ном уншиж буйгаа автобус дүүрэн хүнд харуулахыг хүсэхгүй байвал цулгуй хавтастай ном сонгоорой. Хүссэн номондоо доорх аргаар хавтас хийж болох юм.