1 мин

Бүтэн арлыг 32 хоногт тойрох 700 км явган аяллын зам нээгджээ

Г.Сүрэн 2022.01.19 2

2

Канадын зүүн эрэгт орших Хунтайж Эдвардын нэрэмжит муж аралд явган болон дугуйт аялагчдад зориулсан 700 км урт зам нээгджээ. Далайн эрэг дагуу үргэлжлэх уг зам нь хэд хэдэн сууринд байрлах 32 хэсгээс бүрдэх бөгөөд арлыг бүтэн тойрох урттай гэнэ. 

Уг арал нь Канадын хамгийн жижиг муж бөгөөд зорин очих жуулчдын тоо эрс багасаж буйг харгалзан ийм урт хэмжээний аяллын замыг бүтээжээ. 

700 км замд элсэрхэг ой мод, наран шарлагын газар, үзэсгэлэнт болон түүхэн дурсгалт газрууд, сонирхолтой жижиг хотуудын зогсоол бий. 

Арлыг бүтэн тойроход ойролцоогоор 32 хоног шаардагдах бөгөөд тавдугаар сараас аравдугаар сар хүртэлх дулааны улиралд явган болон дугуйн аялал хийх тохиромжтой нь жуулчдын анхаарлыг татаад байна. 

Дэлхийн хамгийн урт явган аяллын зам нь Өмнөд Африкийн Кейптаунаас ОХУ-ын Магадан хот хүртэл үргэлжлэх 22,387 км зам билээ. 

Эх сурвалж: BBC

Г.Сүрэн 2022.01.19

2