Хайх зүйлээ бичнэ үү

2 мин

Өнөөдрийн зурвас: Инээдэм, ханиадам


Хэлмэгдэгсдийн хөшөөний өмнө хүмүүс цуглаж, үзэл бодлоо илэрхийлэх үеэр идэрхэн эр хижээл нэгний нүүр рүү гурил цацан дургүйцлээ илэрхийлэв. Нүүрээ гурилаар оохордуулсан нөхрийн зураг тэр даруй олон нийтийн сүлжээгээр тархаж, бөөн лайк шэйрийн тантан болж хувирах нь мэдээж. Энэ цагийн бидний гэм биш зан юм хойно доо. Энд ч хэд нь эвхрэлдэн унаж, тэнд ч бөөн амьтны элэг хатаж байгаа харагдана. 

Үзэл бодол. Энэ зөрж болдоггүй эд гэвэл үгүй. Үзэл бодол хүн бүрийн оюун бодлоор шүүгдэх үйл явц тул өөр өөр байх нь өөрөө үзэл бодол гэх зүйлийн мөн чанар, амин сүнс. Үзэл бодол гэхээр ганцхан улстөрчдийн хэмлэлддэг зүйл биш. Гэлээ гээд муу эр дайнд хөөрөхийн ч нэр биш. Үзэл бодол таарсангүйд шившиглэн сэдвийг самууруулдаг нь харин их элбэгшжээ. Асуудал ялимгүй хурцадмагц байр суурийн мэтгэлцээн дуусаж, сэдвээ хөгшин залуугийн, эр эмийн, баян ядуугийн, боловсролтой боловсролгүйн талцал, хэрүүл болгоод агаарт шидчихдэг. 

Д.Нацагдоржийн шүлэгт гардаг орос гуанзны онцгой тасалгаанаа шилэн хундага шилбэдчихээд ёроолдож суудаг аальгүй хүүхнүүд шиг “хихи хихи хихи”.

Агуулга нь алдуурч, утга нь устаж, сэдэв нь сэвэгдсээр атга гурил болон хоцорлоо, энэ удаа ч бас. Нийслэлийн Ардчилсан намаас зохион байгуулсан “Монголоо Беларусь болгохгүй” цуглаанд Д.Сосорбарам оролцож үг хэлэхдээ Украинд довтолсон Путины гар хөл байхаа болихыг Х.Баттулгаас шаардаж байх үеэрээ эсэргүүцэлд өртөж нүүр рүүгээ гурил цацуулсан юм. Олон нийтийн сүлжээнд эгээ л Д.Нацагдоржийн шүлэгт гардаг орос гуанзны онцгой тасалгаанаа шилэн хундага шилбэдчихээд ёроолдож суудаг аальгүй хүүхнүүд шиг “хихи хихи хихи”. Ингээд том үгтэй бичил цуглаанаас гурилан энгэсэгтэй эр хар хүний зураг л инээдэм болж үлдэх шив. 

“Тагтаа паблишинг”-ийн үүсгэн байгуулагч Б.Баясгалан “Гурилдах гэдэг чинь энэ шүү дээ. Эсэргүүцнэ гэж гурилдана. Үзэл бодлоо илэрхийлнэ гэж гурилдана. Үзэж бодно гэж гурилдана. Эх орноо хайрлана гэж гурилдана. Эх орноо гурилдана. Ер нь бүгдийг нь гурилдана” хэмээн цахим хуудастаа бичжээ. Бид зүгээр л гурилдаж, бидний инээдэм бидний ханиадам болдог юм даа.

Гэрэл зургийг itoim сайтаас ашиглав.

Хамгийн их уншилттай
1
2023.01.17
QUIZ: Та хэр зэрэг ТОКСИК хүн бэ?
2
2023.01.30
Сон Жун Кигийн эхнэр Британи жүжигчин Кэти Сондерсийн тухай 7 баримт
3
2023.01.17
Хятад эмэгтэй бүх эксээ хуримандаа урьж нэг ширээнд суулгажээ
холбоотой мэдээ
1
2022.11.18
Өнөөдрийн зурвас: Гэрт ээж, гадаа цас
2
2022.05.24
Өнөөдрийн зурвас: Роман
3
2022.05.13
Өнөөдрийн зурвас: Эр хүний дотор эмээлтэй, хазаартай морь багтах албагүй
санал болгох
1
13 цагийн өмнө
Турк болон Сирид туслахаар очсон өхөөрдөм, эрэлхэг нохдын 27 зураг
2
20 цагийн өмнө
Турк аав нас барсан охиноо орхиж чадалгүй гараас нь атган удаан суужээ
3
20 цагийн өмнө
17 настай хүү A24 студитэй хамтран "Backrooms" сэдэвт аймшгийн кино хийнэ

Энэ мэдээнд өгөх таны сэтгэгдэл?
8
1
0
0
3
1
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.