Кино урлагт дурлагсад наашаа анхаарлаа хандуулаарай. Монголын анхны супер чанартай дэлхийн стандартын “iMax” кино театр тун удахгүй нээлтээ хийх гэж байна. Хүүхэд залуучуудын соёл амралтын хүрээлэн буюу Хүүхдийн паркийн ард байрлах “Shangrilla Mall”-д энэ сарын 22-нд нээлтээ хийх тус кино театр нь Өргөө кино театрын гурав дахь салбар болох юм байна. Энгийн 35 мм-ийн форматаас даруй 10 дахин том форматын өндөр чанартай үзэгчдэд хүргэх чадалтай энэхүү кино театр нь хэдэн танхим, суудалтай байх нь одоогын байдлаар тодорхой бус байна. Ямартаа ч Өргөө кино театр энэ супер чанараар хуучин гарч байсан кинонуудаас гаргахаар албан ёсны веб хуудас дээрээ үзэгчдээс санал авч байгаа гэнэ шүү.
Тэд “iMax” прожекторын технологийг “iMax-ийн прожектор доторх 15000 ваттай чийдэнгүүдийн нэгээс нь тусах гэрэл маш тод байдаг. Хэрвээ бид саран дээр тэр гэрлийг асаавал дэлхийгээс энгийн хүний нүдээр олж харах боломжтой” гэжээ.
