1 мин

Пол Аллены уран зургийн цуглуулга 1.5 тэрбум ам.доллар хүрэв

Ub.life 2022.11.11

“Microsoft”-ийн үүсгэн байгуулагчдын нэг Пол Аллен агсны уран зургийн хувийн цуглуулга 1.5 тэрбум ам.доллароор зарагдсан нь түүхэн рекорд болов. Жорж Сера, Поль Сезанн, Винсент ван Гог, Густав Климт, Пол Гоген нарын таван зураг тус бүр 100 сая гаруй ам.доллар хүрчээ.

Тухайлбал, Поль Сезанны "Сент-Виктуар уул" (La Montagne Sainte-Victoire) зураг 137.8 сая ам.доллароор шинэ эзэндээ очсон байна. П.Аллен уг бүтээлийг 2001 онд 35 са ам.доллароор авч байжээ.

La Montagne Sainte-Victoire

Түүний цуглуулгын, Винсент ван Гогийн "Агар модот цэцэрлэг" (Verger avec cyprès) зураг 117.2 ам.доллароор зарагдав. Винсент ван Гогийн аль ч зураг урьд нь дуудлага худалдаан дээр ийм үнэд хүрч байгаагүй юм. \

Verger avec cyprès

2018 онд ертөнцийн мөнх бусыг үзүүлсэн Пол Аллены цуглуулга дахь 150 гаруй бүтээл дунд орчин цагийн мастеруудын зургууд мөн байв. Британийн алдарт зураач Люсьен Фрейдийн 1980-аад оны эхээр бүтээсэн "Large Interior, W11 (after Watteau)" зураг 86 сая ам.доллар хүрсэн нь түүний хамгийн үнэтэй зураг болж түүхэнд бичигдэв.