Экваторын Гвиней улсын ерөнхийлөгч, парламент, орон нутгийн захиргааны хавсарсан сонгуульд эрх баригч нам үнэмлэхүй ялах төлөвтэй байна. Ингэвэл 43 жил төрийн эрх барьж байгаа Ерөнхийлөгч Теодоро Обианг үргэлжлүүлэн төр барих юм. 1979 онд төрийн эргэлт хийн, авга ахаасаа суудлыг нь булаан авсан тэрбээр өдгөө 80 настай.
Камерун, Габон улсын дунд оршдог тус улсын 1.5 сая хүний 400 мянга нь санал өгөхөөр бүртгүүлжээ. Сөрөг хүчний удирдагчид “Обиангийн сонгууль хэзээ ч чөлөөт, ардчилсан байгаагүй, тэр чигтээ зохион байгуулалттай луйвар юм” гэж мэдэгдэл гаргасан байна.
