1 мин

Жонни Депп, Женна Ортега нар болзооны тухай цуурхлыг "ууртайгаар" үгүйсгэлээ

О.Анхзаяа 2023.09.04

Оддын тухай хов живийг мэдээлдэг Deuxmoi инстаграм хаяг дээр саяхан 60 настай Жонни Депп, 20 настай Женна Ортега нарыг болзож байна гэсэн мэдээлэл гарсан билээ.

Харин жүжигчид өөрсдийн хаягаараа энэхүү мэдээллийг үгүйсгэсэн байна. "Wednesday" цувралын одоо Ортега "Үнэхээр тэнэг цуурхал байна. Би бүр инээж ч чадахгүй нь. Би Жонни Депптэй хэзээ ч уулзаж, хамтран ажиллаж байгаагүй. Худал мэдээлэл тараахаа больж, биднийг тайван орхи" хэмээн бичсэн байна.

Харин Жонни Деппийн зүгээс "Ноён Депп хатагтай Ортегатай ямар ч хувийн болон мэргэжлийн харилцаагүй болно. Тэд хэзээ ч уулзаж, бүр ярилцаж байгаагүй. Ноён Депп энэхүү худал хуурмаг мэдээлэлд ихээхэн ундууцсан бөгөөд карьер, нэр хүндэд нь нөлөөлж, халдсан худал мэдээлэлд ихэд цочирдсон билээ" гэсэн мэдэгдэл гаргажээ.

Мөн тэд цаашид хуурамч мэдээлэл тараахгүй байхыг хүмүүсээс хүсжээ.

Эх сурвалж: Vanity Fair, Page Six