Гэр бүл, найз нөхөд, хөрш, ажлын хамт олон, таарсан хүмүүстэйгээ сайхан мэндлэн өглөөг угтах нь сэтгэл зүйд түр зуурын бус урт хугацааны эерэг нөлөөтэйг судлаачид тогтоожээ.
АНУ-ын "Gallup" байгууллагаас 4500 гаруй насанд хүрэгчдэд явуулсан судалгаагаар илүү олон хөршөө таньдаг, хөршүүдтэйгээ мэнд устай явдаг байх тусмаа хүний сэтгэл зүй эрүүл, өөдрөг, амьдрах итгэлтэй байдаг нь ажиглагдсан байна. Өглөөдөө ганц ч хүнтэй мэндэлдэггүй хүмүүсийн амьдралын чанар хоёр ба түүнээс дээш хүнтэй мэндэлдэг хүмүүсийнхээс харьцангуй буурангуй байгааг ч онцолжээ.
Хүнд бие махбодын, санхүүгийн, сошиал, нийгмийн, карьерын гэх суурь таван амьдралын чанар байдаг бөгөөд бусадтай мэндэлдэг, нөхөрсөг харилцаатай байдаг хүмүүсийн бүхий л амьдралын чанар нь огт харилцаа холбоогүй хүмүүсийнхээс илт давуу байна.
Та амьдралын чанараа дараах байдлаар нягтлаад үзээрэй.
Сошиал амьдралын чанар: Амьдралдаа утга учиртай харилцаа, нөхөрлөлтэй байх
Санхүүгийн амьдралын чанар: Мөнгө санхүүгээ удирдах чадвартай байх
Карьерын амьдралын чанар: Өдөр тутам хийж буй ажилдаа сэтгэл хангалуун байх
Нийгмийн амьдралын чанар: Хаана амьдарч буйдаа сэтгэл хангалуун байх
Бие махбодын амьдралын чанар: Өдөр тутам зарцуулах хангалттай эрч хүчтэй байх
Эх сурвалж: News.gallup.com
