1 мин
Урин хавар айсуй: Хаврын үзэсгэлэнт уран зургууд
М.Гэрэлмаа 
2 
Мөнх тэнгэрийн дор мянга мянган хавар
Монголын сайхан оронд жил жил дэлгэр
Энх улирал ханхлахад хүний сэтгэл тэнэгэр
Өвсний соёо ногоороход морь мал ханагар...
Ийнхүү хавар айлчилж сэтгэл дотор нар цэлмэлээ. Хавар гэхээр л хаврын ядаргаа, бухимдал санаанд ордог билээ. Гэтэл тэдгээрээс илүүтэй үзэсгэлэнт зүйлс олон бий. Усны шувуудын ганганаа, хажуу голын хоржигнох чимээ. шинэхэн төллөсөн хурга ишигний майлаан... Ай Монгол оронд минь үзэсгэлэнт зүйлс ямар их вэ? Ингээд та бүхэндээ хаврын урийг санагдуулам уран зургуудыг хүргэе.
Ц. Жамсран "Орхоны хавар"
Зураач Ё. Өлзийхутаг "Хавар"
...Холхи нар ойртож хасын цас хайлахад
Хуучин дэлхий халагдаж хамаг юм шинэднэ
Хөрсөн мод цэцэглэж хүүхэд багачууд наадахад
Хөгшин хүн өөрийгөө залуу болсон шиг санана...
Зураач С. Энх-Амгалан "Нарны тусгал"
Зураач Л. Давааням "Хээнцэр"
...Хээрийн галуу айлчлан ирж гангар гунгар донгодоход
Гэртээ суусан малчин түүнийг чанга уярна
Хажуу дахь ууланд горхи булаг хоржигнон урсахад
Хаяан дахь ишиг хурга майлалдан хөгжим нийлүүлнэ...
Зураач Б. Бадам "Дөрвөн улирал"
Зураач Б. Түвшин "Зэлтэр"
...Эелдэг урьхан амьсгал ариуханаар үнэртээд
Эрт эдүгээг бодогдуулан нуугдсан сэтгэлийг сэргээнэ
Өнөр сайхан төл баян хотыг чимэхэд
Өлгийтэй бяцхан хүүхэд эцэг эхээ баясгана.
Д. Нацагдоржийн "Хавар" шүлгээс.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа