Coperni брэнд өнгөрсөн жилийн намар-өвлийн загварын шоун дээрээ хүн төрөлхтний түүхэн дэх хамгийн хосгүй цүнхийг танилцуулсан. Дэлхий дээр 55 мянган жилийн өмнө унасан жинхэнэ солироор хийсэн тус цүнхийг харсан хүмүүс ангайж байсан билээ. Харин энэ өдрүүдэд тус цүнх худалдаанд гараад байна.
Солирон цүнхийг зөвхөн захиалгаар, цөөн тоогоор хийнэ. Цүнх болгоныг гараар урладаг тул нэг нэгнээсээ өөр хэлбэр, дүрстэй байж болох гэнэ. Хийх хугацаа зургаан 7 хоног. Мөн зарагдсан барааг буцааж авахгүй гэдгээ тус брэнд анхааруулсан байна.
Мэдээж бидний анхаарлыг солироор, тэр тусмаа 55 мянган жилийн өмнөх солироор бүтсэн цүнхний үнэ татаж байгаа. Үнэ нь ердөө 40 мянган евро.
Coperni брэнд шинэлэг санаа, өвөрмөц шийдлээрээ алдартай. Өнгөрсөн сарын эхээр тэд 99 хувь агаараас бүтсэн цүнхээ танилцуулж байсан юм.
