“Орлон тоглогч”-оос онцолбол...
“17” продакшн Voo-тэй хамтран “Орлон тоглогч” олон ангит кино бүтээснээ үзэгчдэд хүргэж буй. 16 ангит киноны эхний бүлгийн 9 анги нь хэдийн үзэгчдийн хүртээл болоод байгаа юм.
Энгийнээс ээдрээ рүү
“Орлон тоглогч” олон ангит киноны зохиолыг найруулагч, жүжигчин Б.Амарсайхан өөрөө бичсэн. Үзэгчдэд нэг анги үзээд л илүү шимтэн, дахин үзмээр санагдуулах, автуулах нь олон ангит киноны зорилго. Тэгвэл “Орлон тоглогч” олон ангит кино эцсийн анги хүртэл ээдрээ тайлагдахгүй мэт, улам л сонирхолтой өрнөж буй. Найруулагч Б.Амарсайхан ч “Сэтгэлзүйн драм, тэр дундаа ээдрээт төрөлд тооцогдох энэхүү кино эхнээсээ дуусах хүртлээ үзэгчдийг таавар дунд байлгана гэдгийг амлая” гэсэн. Киноны үйл явдал тун энгийн эхэлнэ. Олон үггүй, урт тайлбаргүй хэсгүүд. Цааш үргэлжлэх үйл явлууд, өрнөлүүд үзэгчдэд сатаарах зав өгөхгүй. Нэг том тааврын хариуг мэдэх гээд догдолж буй мэт л.
![](https://cdn.ub.life/files/19/d6150c61c4ffeeb3ab37dcf152fd82d9.jpg)
“Эрдэнэс”
Найруулагч Б.Амарсайхан уран бүтээл бүрээрээ цоо шинэ дүр төрхийг үзэгчидтэй “уулзуулдаг” болоод хэдийн даджээ. Тухайлбал, “Хохирогч” олон ангит киногоороо дэлгэцэд харагдалгүй удсан жүжигчин Н.Цэнд-Аюуш, Герман улсад ажиллаж амьдардаг жүжигчин Г.Ариана нарыг уулзуулсан бол “Монгол” уран сайхны киногоороо модель Т.Солонго-Уянгыг танилцуулсан. Харин энэ удаа “Орлон тоглогч”-доо үзэгчдийн эчнээ дуртай Ч.Очгэрэлийг залуу жүжигчин Э.Билэгтмаа, Ч.Түвшинтөгс болон АНУ-д ажиллаж амьдардаг жүжигчин Б.Ноба нартай хоршуулав. Сайн бөгөөд сонирхолтой уран бүтээлийн үндэс нь яг л ийм оновчтой дүр сонголтоос улбаатай болов уу.
Орлон тоглогч байхыг хэн хүсэх вэ
Хүн бүхэнд нандин түүх, дурсамж байдаг шиг хэн нэгэнд хэлэх гээд хэлж чадаагүй үгс бий. Түүнийг л хэлчих юм бол аз жаргалтай, эрх чөлөөтэй болох юм шиг. Гэтэл амьдрал байж болох бүх л аргаар хясдаг, бас басдаг. Тэр нь цаг хугацааны уртад ямар их хөндүүртэй болдгийг орлон тоглогч болсон хүн л мэдрэх байх. Мэдээж хэн нэгнийг орлох жүжигчин төдийгөөр амьдрахыг хэн хүсэх билээ.
Хүн бүр амьдралдаа өөрийн төгс хувилбар байх гэж хичээдэг. Гэвч амьдрал таныг хэн нэгний орлон тоглогч эсвэл танд орлон тоглогч бэлдсэн байвал ямар вэ???
![](https://cdn.ub.life/files/19/5cbf37cb29722f2b23df1add7bcd98d9.jpg)
ЭНЭ МЭДЭЭНД ӨГӨХ ТАНЫ СЭТГЭГДЭЛ?
- СЭТГЭГДЭЛ БИЧИХ
- Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
![Папарацци: Алдарт оддын гудамжны стиль](https://cdn.ub.life/files/cover/cover-f01bdd59-cd06-4a73-9c78-248a3ebde23f.jpg)
Папарацци: Алдарт оддын гудамжны стиль
Ингээд өнөөдрийн оддын гудамжны стилийг сонирхоцгооё.
![Жүжигчин Нам Юн Сү аавдаа бөөрөө өгчээ](https://cdn.ub.life/files/cover/cover-5d3f4eb3-8f7c-4a75-b1b9-3a64b646d1c9.jpg)
Жүжигчин Нам Юн Сү аавдаа бөөрөө өгчээ
Нам Юн Сү, аав нь бие нь сайжирч, эмнэлгээс гарсан байна.
![Зуны уур амьсгал нэвт шингэсэн 8 солонгос драм](https://cdn.ub.life/files/cover/cover-f66abb23-a597-47a0-a9bf-d6fe85dfc69a.jpg)
Зуны уур амьсгал нэвт шингэсэн 8 солонгос драм
Гэртээ зуны уур амьсгалыг мэдрэн, амрахыг хүсэж байвал танд энэ 8 драм яг тохирно.
![Хүнд өвчтэй Ален Делоны шинэ зураг](https://cdn.ub.life/files/cover/cover-3817ae26-0eed-460b-ba74-b1a98a9d0bcb.jpg)
Хүнд өвчтэй Ален Делоны шинэ зураг
Делон цус харвасныхаа дараа хорт хавдар, альцгеймер өвчин тусаад байгаа.