Өчигдөр Словакийн Засгийн газрын хуралдааны дараа Ерөнхий сайд Роберт Фицогийн амь насанд халдлаа.
Ерөнхий сайдыг иргэдтэй уулзаж байхад хэрэгтэн хэд хэдэн удаа буудсан бөгөөд сум мөр, гэдсэнд нь тусчээ.
Фицог эмнэлэгт хүргэж, хагалгаанд яаралтай орууллаа.
4 цаг үргэлжилсэн мэс ажилбарын дараа Ерөнхий сайдын биеийн байдал хүнд хэвээр байна. Тэрээр маш их цус алджээ.
Буудсан этгээдийг зохиолч Юрай Центула байсан гэж орон нутгийн хэвлэл бичиж байна.
