Яг одоо хүмүүсийн анхаарлыг хамгийн ихээр татаж, загвар сонирхогчдын дунд шуугиан тарьж буй хүн бол Г.Гансүх билээ. Түүний тухай сонирхолтой баримтуудыг хүргэж байна.
1. Түүнийг Ганбатын Гансүх гэдэг. Дархан хотод төрж өссөн.
2. Тэрээр Голланд улсад хорин зургаан жил амьдарсан бөгөөд өнгөрсөн жил Монголдоо эргэн иржээ.
3. Тавдугаар сарын 28-нд тэрээр 50 насны төрсөн өдрөө тэмдэглэсэн бөгөөд “Balenciaga” болон өөрийн агентлагийнхантай төрсөн өдрөө тэмдэглэн өнгөрүүлжээ.
4. Шанхайн загварын 7 хоногт “Balenciaga” брэндийн шоунд алхсан нь ийнхүү олон нийтийн дунд шуугиан тариад байгаа юм.
5. Голландад амьдардаг байхдаа тэрээр шивээсний салон ажиллуулдаг байсан байна.
6. 28 болон 23 настай хоёр хүүтэй бөгөөд бага хүү Жон нь загвар өмсөгч төдийгүй, хоёр жилийн өмнө мөн “Balenciaga” шоунд алхаж байжээ. Бага хүү нь түүний загварын ертөнцөд дурлах шалтгаан болсон гэнэ.
7. Ирээд нэг жилийн хугацаанд олон кинонд дүр бүтээсэн байна. “95 зүүдний хүн”, “Сүнсний стори”, мөн одоо 16 ангит нэгэн кинонд дүр бүтээж байгаа аж.
Мөн тун удахгүй гадаад улс дахь ажлаа дуусгаад ирэхдээ манай сайтад ярилцлага өгөх тул та бүхэн хүлээж байгаарай.
