Бүх цаг үеийн турш үзэгчдийн сонирхлоос огт гардаггүй төрөл бол яах аргагүй аймшгийн кино билээ. Аймшгийн киноны хорхойтнууддаа зориулаад энэ оны эхний хагаст гарсан хамгийн шилдэг аймшгийн 5 киног танилцуулъя.
5. Life
Сансарт гарсан нисэгчид этгээд ургамал олж илрүүлснээр адал явдал эхэлнэ. Хачирхалтай тэр ургамал нь хөрсөнд биш өөр зүйлээс ургадаг шидтэй аж.
4. Raw
Жастин мал эмнэлгийн моргт орж үзсэнээс хойш урьд өмнө хэзээ ч мэдэрч байгаагүй хачин мэдрэмжид ороогдож эхэлнэ. Хүний санаанд оромгүй аймшигт шуналдаа хөтлөгдсөн Жастины үйлдлүүдээс үзэгчид айн суудлаа орхин гарцгаасан гэнэ шүү.
3. Tragedy Girls
Энгийн л ахлах сургуулийн охид зургаа авч олон нийтийн сүлжээнд байршуулна. Тэд өөрсдийн зураг болон мэдээллээ оруулах зэргээр нийгмийн сүлжээг идэвхтэй ашиглана. Гэтэл охидын нэг зурганд цуврал аллагын баримт байж таарснаар адал явдал үргэлжилнэ.
2. Get Out
Өнгөт арьст зурагчин залуу Крис шинэ найз охиныхоо гэр бүлийнхэнтэй танилцахаар зочилно. Гэтэл түүнийг тэднийд ирсэн мөчөөс хойш хөрш нь цонхоор даллан түүнд ямар нэг юм анхааруулахыг оролдоно. Залуу юу болоод байгааг ойлгох үед бүх зүйл оройтсон байх аж.
1. It Comes At Night
Хүн болгонд байдаг шөнийн айдсаас сэдэвлэсэн уг кино таныг уйлтал айлгаж ч мэдэх юм.
