Манай “Чингис хаан вакс баримлын музей” анх удаагаа хилийн чанадад аялах гэж байна. Энэхүү музей нь Чингис хаан болон түүний баатруудын лааны тосон баримал бүхий Монголын хамгийн анхны “Лааны тосон музей” билээ.Тус музей ОХУ-ын Байгалийн чанадын Угсаатны музейтэй хамтран Буриадын Улаан-Үд хотод “Хаадын хаан” үзэсгэлэнгээ толилуулах гэж байна. “Хаадын хаан” үзэсгэлэн энэ сарын 21-нээс 10 дугаар сарын 16 хүртэл үргэлжилнэ.
